Балаҕан ыйын 8 күнүгэр Кэнтик уонна Харбалаах нэһилиэктэригэр баһылыктары, 18 нүөмэрдээх Кырыкый-Дүллүкү биир мандаттаах быыбардыыр уокуругар депутаттары талар быыбардар буолаары тураллар.
Үөһээ Бүлүүтээҕи территориальнай быыбардыыр хамыыһыйа бэрэссэдээтэлин солбуйааччы Александра Иванова иһитиннэрбитинэн, бу нэһилиэктэргэ барыта 1410 быыбардааччыттан куоластааһыҥҥа кыттыыны ылыахтара. Быыбар кэмигэр тустаах уорганнар нэһилиэнньэ көмүскэллээх буолуутугар улахан болҕомтону ууруохтара.
Этиллибит нэһилиэктэргэ пропискалаах дьон, өскөтүн балаҕан ыйын 8 күнүгэр араас биричиинэннэн кыайан кэлбэт буоллахтарына, атырдьах ыйын 28 күнүттэн саҕалаан болдьоҕун иннинэ куоластыырга тустаах быыбардыыр хамыыһыйалар күнүс 16.00 чаастан киэһэ 20.00 чааска диэри үлэлииллэр, быыбардааччылары пааспардаах кэлэллэрин күүтэллэр.
