Балаҕан ыйын 27 күнүгэр — СӨ судаарыстыбаннаһын күнүгэр анаан Үөһээ Бүлүүтээҕи «Тускул» оҕо киинэ, Үөһээ Бүлүү улууһун уһуйааннарын иитээччилэригэр «БАСХАН» бырайыагы тэрийэн ыытыы тула, билиини үрдэтиигэ Балаҕан ыйын 25 күнүгэр Оҕо библиотекатыгар «БАСХАН буоларга уол оҕону кыра сааһыттан уһуйуу” диэн тиэмэнэн улахан семинар ыыттылар. Семинарга Үөһээ Бүлүү улууһуттан 28 уһуйаан иитээччилэрэ кыттыыны ыллылар.
Кыра саастаах оҕолорго хайдах БАСХАН түһүмэхтэрин ыытарга санаа атастаһыыта, боппуруостар тула аһаҕас кэпсэтии барда.
📍«БАСХАН» бырайыак туһунан, уол оҕону кыра сааһыттан эр киһилии иитии туһунан дьүүллүүр сүбэ уларыйбат бэрэссэдээтэлэ, Үөһээ Бүлүүтээҕи Аҕа түмсүүтүн бэрэссэдээтэлэ, СӨ култууратын туйгуна Руфов Алексей Васильевич иһитиннэрдэ
📍«БАСХАН» дьыалабыай оонньуу (куонкурус) туһунан бырайыак ааптара, “Тускул” оҕо киинин методиһа Ильина Саргылана Лукична билиһиннэрдэ
📍«БАСХАН буоларга уол оҕону кыра сааһыттан уһуйуу” ыытыллыбыт үлэ уопутун Үөһээ Бүлүүтээҕи И.Н.Барахов аатынан Саха Өрөспүүбүлүкэтин судаарыстыбаннай түмэлин үлэһитэ, бырайыак ааптара Семенова Евдокия Павловна тарҕатта, билиһиннэрдэ
📍“БАСХАН” бырайыакка «Тииҥ мэйии» өркөн өй түһүмэҕи Үөһээ Бүлүүтээҕи оҕо библиотекатын сүрүн библиотекара Захарова Майя Федоровна сырдатта
📍Кэлбит кыттааччыларга эти-сиини чэбдигирдэр оонньуулары Үөһээ Бүлүүтээҕи “Тускул” оҕо киинин педагога- Николаева Алена Геннадиевна ыытта
Бу курдук, БАСХАН бырайыак саҥа таһымҥа тахсар сайдыытын туһунан кэскиллээх, киэҥ кэпсэтии, оҕону кыра сааһыттан төрөөбүт дойдуга бэриниилээх, төрүт тылыгар, култууратыгар, сиэригэр-туомугар иитиллиэхтээҕин уонна дьиэ кэргэн онно төһүү күүс буолуохтааҕын туһунан өссө төгүл санаалар этилиннилэр. Инники кэскиллээх үлэ биһиги улууспутугар саҕаланан салгыы сайдыа диэн эрэллээх тарҕастыбыт.
Евдокия Семенова,
“Басхан” күрэҕи төрүттээччи, И.Н. Барахов аатынан Харбалаахтааҕы Государственнай музей научнай сотруднига, бырайыак ааптара, тэрийээччилэр — «Тускул» оҕо айымньытын киинэ
