Байыаннай дьайыыга сылдьар байыастарга күүс-көмө, өйөбүл буолар сыаллаах Үөһээ Бүлүү улууһун «Оҕо саас сирдьиттэрэ» федеральнай бырайыак уонна оҕо хамсааһыннарын оҕолоругар уонна иитэр үлэҕэ дириэктэр сүбэһиттэригэр, оҕо хамсааһыннарын тэрийээччилэригэр “Биһиги бииргэбит» («Мы вместе») диэн аахсыйа сэтинньи уонна ахсынньы ыйдарга биллэриллибитэ.
Бу аахсыйа үһүс сылын көхтөөхтүк биһиги улууска ыытыллар. Манна оҕолор байыаннай дьайыыга сылдьар байыастар төрөппүттэригэр, дьиэ кэргэттэригэр, аймахтарыгар туох тыҥаан турар үлэ баарынан көмөлөһөллөр, күннээҕи кыһалҕаларын үмүрүтэргэ күүс-көмө, өйөбүл буолаллар. Дьиэ ис –тас үлэтигэр мас хайытааһына, хаар күрдьээһинэ, от киллэриитэ уо д.а үлэни оҕолор толороллор. Маны таһынан “Талисман добра” (оҕолор илиилэрин сылааһынан алгыстаах оҥоһуктара) , “Үтүө суруктар” (письмо солдату) санааларын көтөҕөр, күүстэригэр күүс эбэр ис дууһаларыттан суруйбут баҕа санааларын, эйэлээх олоҕу уруйдаан, хас биирдии оҕо сүрэҕин сылааһын ууран ис дууһаларыттан суруйбут суруктарын ыыталлар.
Ахсынньы 5 күнүгэр СР оҕо хамсааһынын уонна Арассыыйаҕа волонтердар күннэригэр сөп түбэһиннэрэн ыытыллара ордук улахан суолталаах.
Бу ыарахан кэмҥэ бары биир санаанан бэйэ-бэйэбитин өйөһөн, өйдөһөн сырыттахпытына ханнык да ыарахаттары туоруохпут, кыайыахпыт диэн оҕолор да, улахан да дьон күүстээх баҕа санаалаахпыт!
Саргылана Ильина,
Алена Николаева,
«Оҕо саас сирдьиттэрэ» ФП муниципальнай куратордара