Атырдьах ыйын 7 күнүттэн 13 күнүгэр диэри оҕоҕо, ыччакка аналлаах таһаарыыларга чэпчэтиилээх сурутууну туһаныахтарын сөп. Бу аахсыйа балаҕан ыйын 1 күнүн көрсө тэрилиннэ.
Почта дьиэтэ кинигэ кыһаларын кытта кыттыһан, 2023 сыл иккис аҥаарыгар 50 араас таһаарыыга сурутууга чэпчэтии оҥордо. Ол курдук, үөрэхтээһин, билим, култуура, айар дьоҕуру сайыннарыы, экология, кыыллар о.д.а. сыһыаннаах хаһыаттарга уонна сурунаалларга, холобур, Мурзилка, Думай, Весёлые картинки, Непоседа, Юный эрудит, Классный журнал, Тошка и компания, Три кота, Детская энциклопедия, 3/9 царство, Пульс природы курдук биллэр таһаарыыларга чэпчэтиинэн туһаныаххытын сөп.
Интернет ситимин нөҥүө podpiska.pochta.ru сайтка, ону тэҥэ Россия Почтатын тыһыарыытыгар киирэн суруттарыаххытын сөп. Ону тэҥэ Почта хас биирдии салаатыгар эбэтэр почта үлэһитин дьиэҕитигэр ыҥыран, кумааҕы каталогу туһанан сурутуу өҥөтө эмиэ баар.
Маны тэҥэ «Дерево добра» аһымал аахсыйаҕа кыттыһан, кимиэхэ баҕар, хаһан баҕарар сурутууну бэлэхтиэххэ сөп.
