Дойдубут инникитин туһугар быыбардыыбыт!

Хоро нэһилиэгин кырдьаҕас олохтооҕо Прасковья Максимовна Москарова Дойду сүрүн быыбарын күнүгэр сахалыы симэнэн кэлэн бэйэтин куолаһын биэрдэ.

81 нүөмэрдээх Үөһээ Бүлүүтээҕи быыбардыыр хамыыһыйа чилиэттэрэ улуустааҕы киин балыыһаҕа сытар ыарыһахтарга тиийэн быыбардата сылдьаллар.

Күнүс 12 чугастааҕы туругунан, Үөһээ Бүлүү улууһун быыбардааччытын уопсай ахсааныттан 73,75% куоластаан олорор. 100% быыбарга тахсыыны хааччыйбыт үс нэһилиэккэ Ороһу нэһилиэгэ эбилиннэ. Ороһу олохтоохторо бу чааска 100% куоластаатылар.

«Земскэй фельдшер» бырагырааманан өйөбүл ылан улуустааҕы киин балыыһаҕа фельдшеринэн үлэлиир Александра Стручкова үлэтин быыһыгар 79 нүөмэрдээх быыбардыыр учаастакка кэлэн гражданин быһыытынан ытык иэһин толордо.

Санатар буоллахха, Дойду Президенэ Владимир Путин быһаччы сорудаҕынан үлэлиир «Здравоохранение» национальнай бырайыак чэрчитинэн ыытыллар бырагыраама тыа сиригэр медиктэр үлэлии кэлэллэригэр бигэ тирэх буолар.

Быракаан нэһилиэгин 84 нүөмэрдээх быыбардыыр учаастагар крестьянскай- фермерскэй хаһаайыстыбалаах эдэр ыал — Мироновтар дойду инникитин санаан туран куоластаатылар.

Харбалаах нэһилиэгин быыбардыыр хамыыһыйатын чилиэттэрэ бүтэһик киһинэн куоластаабыт биир дойдулаахтарын кытта Дойду историятыгар суолталаах быыбар күнүн хаартыскаҕа түһэн үйэтиттилэр.

«Үөһээ Бүлүү» хаһыат

Читайте дальше