Оҕо көмүскэлин көрсөРоссияҕа Дьиэ кэргэн уонна Саха сиригэр Оҕо саас сылыгар анаан «Дьиэ кэргэн улахан өрөбүллэрэ» бырайыак чэрчитинэн, өрөспүүбүлүкэ бары муннугар Оҕо саас бэстибээлэ ыытыллыаҕа.
Дьокуускай куоракка култуура уонна сынньалаҥ пааркатыгар бэс ыйын 1-2 күннэригэр кэнсиэртэр, куонкурустар, викториналар, оонньуулар, араас маастар-кылаастар о.д. тэрээһиннэр буолуохтара.
Биир бэлиэ тэрээһининэн «Бастыҥнар хамсааһыннарын бэстибээлэ» буолуоҕа. Манна флешмоб, 12 араас хайысханан квест оонньуулар, маастар-кылаастара ыытыллыахтара. 14 саастарын туолбут ыччат оҕолорго Россия гражданинын паспорын үөрүүлээх быһыыга-майгыга туттарыахтара. Ону тэҥэ «Бастыҥ олохтоох Сэбиэттэр кейс-чемпионаттара» куонкурус түмүгүн таһааран, «Бастыҥ первичнэй салаа» быһаарыллыаҕа. Хаҥалас, Нерюнгри, Таатта оройуоннара уонна Дьокуускай куорат, Жатай бөһүөлэгэ кыттыылаах Бастыҥнар Хамсааһыннарын первичнай салаалара бэйэлэрин көрдөрүөхтэрэ.
Бэс ыйын 1 күнүгэр күнүс12.00 чаастан Паарка киин сыанатыгар «Тооку» республикатааҕы оҕо ханаалын презентацията буолуоҕа.
Билии мастарыскыайдарыгар өрөспүүбүлүкэ үөрэҕин тэрилтэлэрэ маастар — кылаастары ыытыахтара. Сайын саҕаламмытынан Предпринимательство министиэристибэтин үлэһиттэрэ оҕолорго аналлаах туризм хайыхаларын туһунан кэпсиэхтэрэ.Минпред презентует туристические маршруты для детей
Бэс ыйын 2 күнүгэр култуура уонна сынньалаҥ пааркатыгар ГТО элеменнэрин туттарыылаах дьиэ кэргэттэргэ «Ийэм, аҕам уонна мин – спорду өрө тутар дьиэ кэргэн» спортивнай күрэх буолуоҕа. Манна 2014-2015сылларга төрөөбүт оҕолордоох дьиэ кэргэттэр кыттыахтара.
«Россия – моя история» история пааркатыгар Билим аччыгый академията «Сайын!» диэн бырагырааматын көрдөрүөҕэ. «Сосновый бор» оҕону сынньатар уонна чэбдигирдэр киин үлэһиттэрэ «Здоровое питание – защита детей» тэрээһини ыытыахтара.
СӨ Бырабыыталыстыбатын уонна Ил Дархан пресс-сулууспатын матырыйаалыттан