Биһиэхэ, «Кустук» уһуйааҥҥа, Россияҕа Дьиэ кэргэн, Саха Республикатыгар Оҕо саас, Үөһээ Бүлүү улууһугар Түмсүү сылыгар аналлаах тэрээһин буолан ааста.
Ол курдук бу дьыл олунньу 13 күнүгэр талба талааннаах педагогтарбыт уонна төрөппүттэрбит икки ардыларыгар маастар-кылаастар буолан аастылар. Төрөппүт Александра Иванова кэлэн чэбдэгирдэр аэробиканы сөптөөхтүк  оҥорору көрдөрдө. Александра Чомчоева Илиҥҥи омук нумерологиятын туһунан кэпсээтэ. Киһи төрөөбүт күнүнэн суоттаан сөптөөх сыыппараны булан олоҕор туһаныан сөп эбит. Нарын тарбахтаах ийэлэрбит Ирина Томская, Елена Стручкова кэлэннэр оҕуруоннан тиһэн киэргэллэри оҥорорго үөрэттилэр. Бэйэлэрин сатабылларын көрдөрдүлэр. Эдэр ийэ Ульяна Тарасова кэлэн точечнай роспись көмөтүнэн истиэнэҕэ ыйанар киэргэли оҥоруохха сөбүн кэпсээтэ. Салгыы ыалдьыттар бэлэм материалга ойуу түһэрэн харысхаллары киэргэттилэр. Любовь Тарасова пластилинынан өстүөкүлэ нөҥүө хартыынаны оҥорору көрдөрдө, үөрэттэ. Бу ньыманы туһанан дьиэ киэргэнинэн дьарыктаныахха сөп эбит. Любовь Седалищева декупаж ньыматынан хаптаһыҥҥа хартыыналары хайдах түһэрэн оҥорору көрдөрдө. Декупаж көмөтүнэн хаартыскалары сыһыаран оҥоруохха эмиэ сөп эбит. Кыптыый алыбар Саргы Максимова үөрэттэ. Кини кыптыыйынан кырыйан алгыстаах ойуулары таһааран хартыыналары бэлэхтээтэ.


Сити курдук талба талааннаах ийэлэр, педагогтар түмсэн бэйэлэрин сатабылларын көрдөрөн уопут атастастылар. Кэлэн кыттыбыт ийэлэрбитигэр, иитээччилэрбитигэр барҕа махтал буоллун. Маннык талба талааҥҥытын, сатабылгытын дьоҥҥо үөрэтэн бэлэхтии туруҥ.


Олунньу 14 кунугэр «Кустук» уһуйааныгар нэдиэлэбит чэрчитинэн төрөппүттэрбитигэр «Өркөн өй» ток-шоу буолла. Биһиги педагогтарбыт Розалия Ан, Наталья Иванова, Варвара Сергееваиилээн-саҕалаан, эрдэттэн ыйытыктарын хомуйан бэлэмнээтилэр. Ирдэбил быһыытынан 4 бөлөхтөн биирдии паара кытынна. Ол курдук биһиги төрөппүттэрбит, бэлэмнэнии бөлөхтөн Анастасия Федорова, Екатерина Федорова, орто бөлөхтөн Александра Чомчоева, Семен Семенов, кыра бөлөхтөн Анна Санникова, Иннокентий Иванов, дьааһыла бөлөхтөн Николай Романов, Владислав Донской кытыннылар. «Өркөн өй» оонньуу быраабылатын быһыытынан пааралар уоннуу ыйытыктаах 3 тууру сөпкө хоруйдаан аастахтарына Муҥутуур кыайыылааҕынан буолаллар. Розалия Кирилловна, Наталья Аркадиевна эриэхэбэйдээх ыйытыктарын кыттааччылар бары да сөпкө хоруйдаан истилэр. Ол эрэн 3 туур сорох ыйытыктарын эппиэттиир ыарахан буолан биэрдэ. Муҥутуур кыайыылаах суох буолла. Түмүккэ кыттааччылар тэҥ баайыылаах буоланнар, 2 тууру туорааннар анал дипломунан, кыракый бэлэҕинэн наҕараадаланнылар. Кыттааччылар уонна көрөөччүлэр олус сэргээтилэр, өссө да маннык оонньууну ыытаарыҥ диэн санааларын этинэн тарҕастылар. Кэлэн кыттыбыт төрөппүттэрбитигэр уһуйаан аатыттан барҕа махталбытын тиэрдэбит.

Олунньу 15 күнүгэр Дүллүкүтээҕи А. И. Устинов аатынан спортивнай саалатыгар уһуйаан төрөппүттэрин икки ардыларыгар тыҥааһыннаах, үрдүк күүрүүлээх «Көрдөөх стаартар» буолан ааста. Бу күрэх Россияҕа Дьиэ кэргэн, Республикаҕа Оҕо саас, Үөһээ Бүлүүгэ Түмсүү сылыгар ананар. Күрэх балаһыанньатын, түһүмэхтэрин физрук Любовь Тарасова, иитээччи Аида Степанова толкуйдаатылар. Эрдэ балаһыанньа тахсан төрөппүттэр бэлэмнэнэн кэлбиттэр. Хас биирдии хамаанда анал ааттардаах, кыайыыга-хотууга девизтардаах. Ол курдук бэлэмнэнии бөлөхтөн «Крепкая дружба», орто бөлөхтөн «Стрела», кыра бөлөхтөн «Ромашка», дьааһыла бөлөхтөн «Молния» хамаандалара кытыннылар. Барыта 24 төрөппүт кытынна. Эстафета 7 түһүмэхтэн турар. Хас биирдии түһүмэх тыҥааһыннаах буолан истэ. Ким эрэ хотор, ким эрэ кыайтарар. Күрэҕи сэргээн кэлбит ыалдьыттар бэйэлэрин хамаандаларыгар ыалдьаннар кыайыы кыымын сахтылар.


Тыҥааһыыннаах киирсиилэр түмүктэнэннэр кыайыылаахтар быһаарылыннылар. Ол курдук утарылаһааччыларын кэннилэригэр хаалларан 1 миэстэни дьааһыла «Молния» хамаандата ылла, 2 миэстэни орто бөлөх «Стрела» хамаандата ылла, 3 миэстэни бэлэмнэнии бөлөх «Крепкая дружба» хамаандата ылла. Хас биирдии кыайыылаахха анал мэтээллэри, грамоталары туттарылынна. Түмүккэ кыттааччылар бары уопсай хаартыскаҕа түһүүлэрэ буолла. Кэлэн күрэххэ кыттыбыт төрөппүттэрбитигэр, хамаандаларын туһугар ыалдьыбыт ыалдьыттарбытыгар уһуйаан аатыттан барҕа махталбытын тиэрдэбит.
Олунньу 16 күнүгэр Дүллүкү нэһилиэгэр ырыа алыптаах дьоро киэһэтэ буолла. Ол курдук «Кустук» оҕо уһуйаанын уонна Дүллүкүтээҕи сынньалаҥ киинин көҕүлээһининэн Россияҕа «Дьиэ кэргэн», Саха өрүспүүбүлүкэтигэр «Оҕо саас» сылын арыйар «Икки Сулус» ырыа күрэҕин тэрийэн ыыттылар. Бу күрэххэ уһуйаан төрөппүттэрэ, үлэһиттэрэ кытыннылар. Барыта 5 паара кытынна: Артем Кычкин, Александра Степанова, Сардаана Григорьева, Маргарита Афанасьева, Наталья Егорова, Светлана Никифорова, Прасковья, Любовь Тарасовалар, Мария Федотова, Илья Иванов. Кыттааччылар хас да күн инниттэн эрдэттэн репертуардарын буланнар бэлэмнэммиттэрэ. Дьүүллүүр сүбэҕэ элбэх оҕону ырыаһыт оҥорбут салайааччы Владислав Аталларов, Дүллүкү орто оскуолатын оҕо хамсааһынын салайааччыта Наталья Степанова киирдилэр. Күрэх саҕаланна… Бииртэн биир кэрэ ырыалар ылланнылар. Түмүккэ Дьүүллүүр сүбэ маннык сыанабылы биэрдэ. «Дьон биһирэбилэ» номинацияны Александра Степанова, Артем Кычкин ыллылар. 3 миэстэни Мария Федотова, Илья Иванов ыллылар. 2 миэстэ буоллулар эмиэ Александра Степанова, Артем Кычкин. 1 миэстэни Парасковья, Любовь Тарасовалар ыллылар. «Кылаан чыпчаал» хаһаайыннарынан буоллулар Наталья Егорова, Светлана Никифорова.


Кыайылаахтары барыларын эҕэрдэлиибит. Кэлэн кыттыбыт төрөппүттэрбитигэр барҕа махтал тылын аныыбыт. Өрүүтүн да уһуйаан, нэһилиэк ыытар тэрээһиннэригэр көхтөөхтүк кыттыахтара диэн эрэнэбит.
Бу күн Арассыыйаҕа «Дьиэ кэргэн» сылыгар анаан биһиги уһуйааммытыгар саамай элбэх оҕолоох дьиэ кэргэҥҥэ Киил, Александра Чомчоевтарга уһуйаан аатыттан Махтал сурук туттарылынна. Саха өрүспүүбүлүкэтигэр «Оҕо саас» сылын көрсө биһиги нэһилиэкпитигэр бастакыннан күн сирин көрбүт оҕо ийэтигэр биһиги уһуйаан иитээччитигэр Новгородова Мария Влалимировнаҕа Махтал сурук туттарылынна.

Дүллүкүтээҕи «Кустук» уһуйаан кэллэктиибэ

Читайте дальше