Убаһа этиттэн «Индигирка» салаат
Оҥорорго туох нааданый:
1. Убаһа этэ (сиикэй).
2. Эриэппэ луук.
3.Лимон.
4.Туус.
5.Мас арыыта.
6.Укуруоп.
7. Чеснок.
8. Петрушка.
Убаһа этин кыра түөрт муннуктуу кырбыыгын. Эриэппэ луугу, чесногу бытархай гына кырбыыгын. Сөбүгэр көрөн туустуугун, петрушка уонна укуруоп эбэгин (хатарыллыбыт да буолуон сөп). Бүтэһигэр сөбүлүүргүнэн лимон уутун кутан биэрэгин.
Хаһалаах эккэ сууламмыт быар
Састааба:
1. Убаһа этэ — 20%.
2. Убаһа быара — 40%.
3. Баайтаһын биэ хаһата — 40%.
4. Туус, тума.
Эти хаһаны кытары холбуу эрийэҕин, ас салапааныгар хаптаччы тэлгэтэҕин, ол үрдүтүгэр быары уһун гына быһан уураҕын, туустуугун, тумалыыгын, халбаһыы курдук төгүрүтэ эрийэҕин уонна салапаанынаан тоҥоро уураҕын.
Сииргэр бөһүтэ түһэн бараҥҥын, чараас соҕус гына быһаттыыгын.
Оһуокай салат
350 гр харта
1 репч.луук
1 сибиэһэй оҕурсу
1 помидор
күөх луук
мас арыыта
Хартаны соломолуу, луугу, оҕурсуну, помидору кубиктыы кырбыыбыт.
Барытын холбуубут, мас арыытынан тумалыыбыт, күөх луук таммалатабыт.
»Дуоһуйуу салат»
300 гр. убаһа этэ, 1 сибиэһэй огурсуу, 2 моркуоп, 3-4 өлүүскэ чеснок.
Эти чараас гына кырбаа, моркуобу, огурсууну кырбаа, чесногу илдьирит. Мас арыытын кутан булкуй. Тымныыга ууран сойутан баран минньигэстик, астына сиэҥ
Быар салаата:
● быар – 0.5кг,
● күөх дьаабылака – 1 устуука,
● араас өҥнөөх минньигэс биэрэс – 4 устуука
● мас арыыта
● соевай соус – сөбүлүүргүнэн
● яблочнай уксус – 1 ч/л аҥара.
● репчатай луук – 1 устуука
● чеснок – сөбүлүүргүнэн
Быары синньигэс гына кырбыыгын, мас арыытыгар ыһаарылыыбыт, онно луук, чеснок, туус, соевай соус кутаҕын. Болгарскай биэрэһи уонна күөх дьаабылаканы туспа мас арыытыгар ыһаарылыыгын, яблочнай уксус кутабыт, барытын бииргэ холбоон булкуйаҕын.
«Анабарочка» салаат
Сүрүннээн оливье салаат састаабынан оҥоһуллар, арай эт оннугар туустаах үрүҥ балык уонна лууга күөх луук буолар. Наһаа үчүгэй эбит, боруобалааҥ.
«Анабарскай балык пирога»
450-500 гр кефир, 2 сымыыт, 3 ст. л. арыы, сода, бурдук. Тиэстэҕит хойуу сүөгэй курдук буолуохтаах, алаадьы тиэстэтиттэн эрэ хойуу. Начинкатыгар рис, үрүҥ балык, репчатай луук, сөбүлүүргүнэн туус, биэрэс. Тиэстэҕит аҥаарын бэлэмнээбит лиискитигэр кутаҕыт, начыыҥҥытын кутаҕыт, онтон тиэстэҕит ордугун халыччы кутан кэбиһэҕит уонна көннөрү пирог курдук буһараҕыт.
Минньигэстик аһааҥ!
“Үөһээ Бүлүү” хаһыат