Балаҕан ыйын 20 күнүгэр, «Өргүөт нэһилиэгэ» тыа сирин тэриллиитин дьаһалтатын көҕүлээһининэн кэлэр 2024 сылга “Олохтоох көҕүлээһини өйүүр бырагыраама” (ППМИ-2024) бырайыагынан конкурска кыттыы саҕаламмытынан, нэһилиэк уопсай мунньаҕа буолан ааста.
Мунньаҕы “Өргүөт нэһилиэгэ” тыа сирин тэриллиитин баһылыгын солбуйааччыта Николаева Марина Леонтьевна иилээн-саҕалаан ыытта. Эрдэ куйаар ситимин нөҥүө ыытыллыбыт ыйытынньыкка үс хайысха:
1.Ититии ситимин тардыы.
- Күрэнчэ Боотурга аналлаах өйдөбүнньүк (сквер).
- ДТ – 75 трактор ылыыта.
түмүктэрин иһитиннэрдэ, иннинээҕи сылларга бу бырагырааманан тэриллибит үлэлэри сиһилии быһаарда. Мунньах кыттыылаахтара эһиилги сылга ППми – 2024 куонкуруһугар туруорсар бырайыактарын тула кэпсэтиигэ көхтөөхтүк кытыннылар.Мунньах түмүгүнэн нэһилиэккэ ититии ситимин тардыы наадалааҕын мустубут дьон биир куолаһынан быһаардылар.
Инникитин да нэһилиэкпит дьоно-сэргэтэ нэһилиэк сайдыытыгар көмөлөһө туруохтара диэн эрэнэбит!
Өргүөт нэһилиэгин дьаһалтата
