Файрузаҕа күүс-көмө буолуоххайыҥ!

Дүллүкү олохтоохторо, элбэх оҕолоох Надежда, Илья Степановтар кыыстара Файруза Степанова бу дьыл ахсынньы 2 күнүгэр Москва куоракка А.Н.Бурденко нейрохирургия балыыһатыгар оҕо салаатыгар эпэрээссийэҕэ барар буолла. Диагноһа – «Кавернозная мальформация (кавернома) в субкортикальном белом веществе заднего отдела левой затылочной доли».

Надежда, Илья Степановтар 9 оҕолоох ыал, улаханнара Медицинскэй колледж устудьуонката, кыралара 2 саастаах. Аҕалара Илья бу саас анал байыаннай эпэрээссийэҕэ «Вагнерга» доброволеһынан, сайын кэлэн сынньанан баран, күһүн биир сылга хантыраакка илии баттаан, төттөрү төннөн сулууспалыы сылдьар. Иккис оҕолоро, кыыстара Файруза М.А.Алексеев лиссиэй-интэринээтигэр 11-с кылааска «5» сыанаҕа туйгуннук үөрэнэр.

«Кыыспыт Файруза бу сааскыттан ыалдьар буолбута, муус устар ыйыгар эмискэ охтон таттарбыта. Сайын Дьокуускай куоракка Медицинэ киинигэр баран көрдөрбүппүт, МРТ түһэрэн диагноһын быһаарбыттара. Бу күннэргэ Москваҕа эпэрээссийэҕэ ыҥырдылар. Билигин кыыһым таттарбат туһуттан  икки күүстээх эми күҥҥэ иккитэ иһэ сылдьар. Ол эмптэрэ күүстээх буоланнар, доруобуйатыгар биллэрэр, бастаан утаа утуйа сылдьар буолан хаалта. Эпэрээссийэбит этэҥҥэ аастаҕына, үтүөрүө уонна бу эмтэри иһэн тохтуо этэ диэн эрэнэбин. Биир дойдулаахтарбытыгар көрдөһүү сурукпут тарҕанан, билэр-билбэт дьоммутуттан көмө харчы киирэн эрэр. Олус долгуйан туран махтанабын», — диэн ийэтэ кэпсээтэ.

Күндү улууспут олохтоохторун, эдэркээн кыыс Файруза Москваҕа эмтэнэ барарыгар күүс-көмө буолуоххайыҥ, ким төһө кыахтааҕынан харчынан көмөлөһүөххэйиҥ диэн ыҥырабыт! Көмөнү ийэтин нүөмэригэр ыытаҕыт – 8-968-150-94-99 (Надежда Олеговна).

Читайте дальше