Улуус үрдүнэн биллэриллибит “Окопная свеча” акцияҕа Г.Н.Чиряев аатынан Хоро орто оскуолатын үөрэнээччилэрэ, коллектив биир санаанан салайтаран кытынныбыт.
Хас биирдии киһи дойдубутун көмүскүү сылдьар хорсун-хоодуот уолаттарбытыгар көмө буоллун диэн кыьаллан, сэмэй кылааттарын киллэрсэргэ кыралыын, улаханныын туора туран хаалбатыбыт. Хас биирдии дьиэ кэргэҥҥэ бу акцияҕа кыттыы элбэх иитэр-үөрэтэр суолталаах буолла, төрөппүт уонна оҕо кыһаллан туран чүмэчи онордулар.
Манна кыттаары нэһилиэкпит олохтоохторо чүмэчи тийбэт күчүмэҕэйдэрин онтон-мантан көрдөөн, куораттан сакаастаан, ыраах чугас аймахтарын, доҕотторун сүүрдэн-көтүтэн, булан-талан балаһыанньаттан таҕыстылар. Ону таһынан, кыһалҕаны өйдөөн, олохтоох урбаанньыттар чүмэчини атыыга суһаллык аҕалан дьон түбүгүн чэпчэттилэр. Ол түмүгэр, сэмэй кылааппыт – 165 окуопа чүмэчитэ оҥоһулунна.