Бу дьыл кулун тутар 15 күнүгэр «Үс хоһуун» спортивнай саалатыгар Үөһээ Бүлүүтээҕи 7-с нүөмэрдээх «Сказка» оҕо уһуйаанын уонна оҕо спортивнай оскуолатын көҕүлээһинэн оскуолаҕа киириэн иннинээҕи саастаах оҕолорго анаан  Бүлүү бөлөх улуустарыгар аһаҕас Хотугу двоеборье күрэҕэ буолан ааста.

Барыта икки улуустан 10 оҕо уһуйаанын хамаандата, 39 оҕо кыттыыны ылла. Ньурба улууһуттан кэлэн кыттыбыт хамаандалар үөрэн, «элбэххэ үөрэннибит, эһиил тэҥҥэ киирсиэхпит» диэн бигэ тыллаах бардылар. Биһиги улууска оҕо уһуйааннарыгар Хотугу двоеборьенан дьарыктаналлара өтө көһүннэ. Бириистээх миэстэлэргэ биһиги уһуйааммыт оҕолоро таҕыстылар. Ол курдук, чөмпүйүөннэринэн буоллулар: үһүс миэстэ — Максимов Давид («Сайыына» уһуйаан, Хоро), иккис Андреев Харысхал («Сказка» уһуйаан), бастакы Захаров Эркин («Аленушка» уһуйаан), кыргыттарга: үһүс Егорова Лилиана  («Сказка»), иккис Герасимова Джулианна («Үрүйэчээн»), бастакы Федорова Мария («Сказка»).

Кырачаан кэнчээри ыччаттарбытыгар өссө үрдүк ситиһиилэри баҕарабыт!

Читайте дальше