Бүгүн, ыам ыйын 22 күнүгэр, Ороһу нэһилиэгэр Үөһээ Бүлүү улууһун баһылыгын социальнай эйгэҕэ уонна дьиэ кэргэн бэлиитикэтигэр солбуйааччы Анна Михайловна Уларова салайааччылаах «Социальнай десант” улуус социальнай хайысхалаах тэрилтэлэрин салайааччылара, специалистара тахсан үлэлээтилэр, нэһилиэнньэни кытта көрүстүлэр.
Мунньаҕы Үөһээ Бүлүү улууһун баһылыгын социальнай эйгэҕэ уонна дьиэ кэргэн бэлиитикэтигэр солбуйааччы Анна Михайловна Уларова салайан ыытта.
Нэһилиэк олохтоохторугар социальнай көмүскэл уонна үлэҕэ социальнай сайдыыга управлениетын салайааччыта Е.В. Николаева социальнай көмөлөр, социальнай контракт, пенсионнай уонна страховой фонда салаатын салайааччыта А. Николаева пенсия, дьарыктаах буолуу тустарынан иһитиннэрии оҥордулар. Ону тэҥэ үлэлээх буолуу киинин специалиһа М. Терентьева, опека отделын специалиһа Т. Тюляхова эмиэ үлэлэрин хайысхаларынан иһитиннэрии оҥордулар.
Үөһээ Бүлүү улууһун баһылыгын социальнай эйгэҕэ уонна дьиэ кэргэн бэлиитикэтигэр солбуйааччы А.М. Уларова Ороһу нэһилиэгин социальнай объектарын кэрийэн көрдө-иһиттэ, үлэһиттэрин кытта кэпсэттэ уонна анал байыаннай операция кыттыылааҕа Лебедкин А.А. дьиэтигэр сырытта.
Опека отделын специалиһа Т. Тюляхова, полиция үлэһитэ С.С. Протопопов, сокуоннай саастарын ситэ илик оҕолор дьыалаларын көрөр уонна кинилэр бырааптарын көмүскүүр хамыыһыйа специалиһа Н.И. Алексеева Ороһу орто оскуолатын орто, улахан кылаас үөрэнээччилэрин уонна үлэһиттэрин кытта үлэлээтилэр.
Нэһилиэкпитигэр 2021-2023сс социальнай контракт өҥөтүн туһанан бэйэ дьыалатын тэриммит дьоммут үлэлэрин социальнай көмүскэл уонна үлэҕэ социальнай сайдыыга управлениетын салайааччыта Е.В. Николаева, специалиһа М.И. Роменская бэрэбиэркэлээтилэр, үлэлии олорор усулуобуйаларын көрдүлэр.
Түмүккэ “Социальнай десант” нэһилиэкпитигэр кэлэн олохтоох дьаһалта специалистарын кытта барбыт үлэ түмүгүн кэпсэттилэр, салгыы бииргэ үлэлэһиэх буоллулар.
