Муус устар 1-кы күнүгэр алтыс кылаас үөрэнээччилэригэр Айылҕа Харыстабылын инспекциятыттан Василий Васильевич Титов, Зинаида Николаевна Данилова көтөрдөр аан дойдутааҕы күннэригэр сарсыарда эрдэттэн ыалдьыттаатылар.
Айылҕа харыстабылын старшай инспектора Зинаида Николаевна быйыл аан дойдуга көтөр сылынан чиж биллэриллибитин туһунан оҕолорго кэпсээтэ уонна көтөр күнэ хаһан, хайа сылга ханнык дойдуттан саҕаламмытын билиһиннэрдэ. Оҕолорго проекторынан Василий Васильевич дьиэтин таһыгар чыычаахтарын хайдах аһатарын видеотын уонна хаартыскаларын көрдөрөн оҕолор болҕомтолорун тарта.
Бу сааскы кэрэ бырааһынньыкка Алик Николаев, Антон Петров, Алгыстаан Иннокентьев аҕаларынаан оҥорбут чыычаахтарын уйаларын аҕаллылар. Кылаас салайааччыта Марта Симоновна Силигиянова эмиэ ураты скворечнигы аҕалан көрдөрдө.
Оҕолор ыалдьыттар кэпсээннэрин интэриэһиргээн иһиттилэр, мунаарар боппуруостарын ыйыталастылар, викторинаҕа көхтөөхтүк кытыннылар.Ким илиитин элбэхтик уунан кыттыбыт Василий Васильевич илиититтэн минньигэс тутан үөрдүлэр-көттүлэр, бэйэлэрин илиилэринэн оҥорбут скворечниктарын инспекцияҕа бэлэх быһыытынан утары ууннулар, өссө кэлээриҥ диэн ыҥыра хааллылар.
Онон бу күн оҕолор өйдөрүгэр санааларыгар үтүө өйдөбүл быһыытынан хаалара саарбаҕа суох.
Наталья Иванова, Ю.Н.Прокопьев аатынан спортивнай орто оскуола директорын иитэр үлэҕэ солбуйааччы
