Атырдьах ыйын 29 күнэ — «Үөһээ Бүлүү» хаһыат төрөөбүт күнэ. Бу бэлиэ күнү көрсө “Россия почтатын” улуустааҕы салаатын кытары сэргэх куонкуруһу, “Кыраһыабай почта дьааһыгын” күрэҕин биллэрбиппит.
Күрэххэ илиинэн оҥоһуллубут почта дьааһыга кытынна. Ураты тупсаҕай көстүүлээх, аныгылыы көрүҥнээх, кимиэхэ да, ханна да суох дьааһыктары оҥорон хаартыскаҕа түһэрэн ыыппыттарын сөҕө-махтайа көрдүбүт.
Дьүүллүүр сүбэ быһаарыытынан, Күрдьэҕэлээх уулусса олохтооҕо Яна Петрова кыайыылаах аатын сүктэ уонна маҕаһыыҥҥа 3000 суумалаах сертификатынан наҕараадаланар. Иккис миэстэни “Россия почтата” туруорбут бирииһинэн — тостерынан Механизаторскай уулусса олохтооҕо Анна Бочетова уонна үһүс миэстэни П.Алексеев аатынан уулусса олохтооҕо, биэнсийэлээх Зинаида Софронова ылла уонна 2024 сылга “Россия почтатын” нөҥүө босхо сурутуунан наҕараадаланаллар.
Кыайыылаахтары эҕэрдэлиибит!
Редакция коллектива
