🗓️ Муус устар 11 күнүгэр Мэйик нэһилиэгэр В.Н. Титов аатынан сынньалаҥ киинигэр Улуу Кыайыы 80 сылыгар “Не померкнет летопись Победы” улуустааҕы викторина буолан ааста.
🏆 Бу интеллектуальнай оонньуу бастакытын 2005 сыллаахха учуутал Тамара Ивановна Яковлева көҕүлээһининэн ыытыллыбыта.
Быйыл оонньуу 20 төгүлүн ыытыллынна, тэрээһин Мэйик сүрүн оскуолатын нуучча тылын уонна литературатын учуутала Александра Никифоровна Федорова көҕүлээһининэн ыытылынна.
📜Викторина ыытыллар сыала-соруга: эдэр көлүөнэҕэ Аҕа дойду улуу сэриитигэр аҕа көлүөнэ сэриигэ уонна тыыл үлэтигэр геройдуу быһыытын көрдөрүү, тарҕатыы. Мэйик нэһилиэгиттэн Аҕа дойду улуу сэриитин кыттыылаахтарыгар уонна буойун Яковлев Иван Яковлевич сырдык кэриэстэригэр ананан ыытыллар.
Оонньууга үстүү киһилээх Боотулуу, Оҥхой 2, Далыр, Мэйик 3 хамаандалара, барыта сэттэ хамаанда күөн көрсөн, билиилэрин тургутустулар.
Викторина 3 түһүмэхтэн турар:
I түһүмэх — 5 мүнүүтэ иһигэр сэриигэ кыттыбыт геройдар, офицердар, сэрии сэптэрэ, танка, самолет мааркалара, тииптэрэ, сэрии туһунан киинэлэр, артыыстар экраҥҥа көстүбүттэрин таайыы;
II түһүмэх — сэрии туһунан 30 ыйытыктаах 6 тиэмэҕэ хоруйдааһын;
III түһүмэх — Аҕа дойду улуу сэриитин хаамыытын тула ыйытыктар.
Ону таһынан, хамандыырдар шифрдаммыт тыллары булууга күрэхтэстилэр.
Викторина сүрдээх тыҥааһыннаах, интириэһинэй, долгутуулаах быһыыга-майгыга ааста.
🎆 Күрэс түмүгүнэн:
🥇 — 1 миэстэ Далыр «Титов» хамаандата, 7 тыһ. солк.;
🥈 — 2 миэстэ Боотулуу «Наследники Победы» хамаандата, 5 тыһ. солк.;
🥉 — 3 миэстэни Мэйик сүрүн оскуолатын хамаандата, 3 тыһ. солк. уу харчынан, добун суруктарынан, мэтээлинэн наҕараадаланнылар.
🎁Онтон күрэххэ кыттыбыт Онхой «Звезда», «КДУ», Мэйик «Ситим», «Патриоты» командалар кыттыылаахтарыгар туоһу сурук, кинигэ туттарылыннылар.
⭐️ Күрэххэ «Бастыҥ оонньооччу» ааты Далыр нэһилиэгин хамаандатын чилиэнэ С.С. Федотов ылан «Вся история Великой Отечественной войны» кинигэнэн наҕараадаланна.
🧧Интеллектуальнай оонньууну тэрийиигэ буойун И. Я. Яковлев оҕолоро, сиэннэрэ, учуутал Т. И. Яковлева үөрэппит бастакы выпуһа, урбаанньыт Я. С. Санникова, О. Д. Федорова аатынан киин модельнай библиотека спонсордаатылар.
Күрэҕи байыаннай ырыаларынан Мэйик оскуолатын төрдүс кылааҺын үөрэнээччилэрин ансамбыла «Мин саллаат сиэнэбин», сал. Л. Р. Семенова уонна «Эрэл» эр дьон ансамбыла «Хайыһар», «Безымянная высота» ырыаларынан киэргэттилэр.
Мэйик нэһилиэгин В.Н. Титов аатынан сынньалаҥ киинэ күрэхтэһээччилэри итии чэйинэн, алаадьынан күндүлээтилэр.
Бу курдук, Аҕа дойду улуу сэриитигэр Аҕа көлүөнэ сэриигэ уонна тыыл үлэтигэр геройдуу быһыытын көрдөрүү араас көрүҥүнэн үөрэтиллэрэ, тарҕанара улахан суолталаах, хайҕаллаах, наадалаах.
🎇Улуу Кыайыы 80 сылын көрсө Мэйик нэҺилиэгэр ыытыллыбыт «Не померкнет летопись Победы» интеллектуальнай оонньуу кыттыылаахтара саҥаны билэн, билиилэрин хаҥатан, сүргэлэрэ көтөҕүллэн тарҕастылар.