П.Н. Тобуруокап аатынан Нам орто оскуолатыгар 17-с төгүлүн үгэс буолбут Оскуола күнүн тэрээһинэ үрдүк таһымҥа ыытылынна. Сарсыарда 10 ч. хас биирдии кылааска Республика күнүгэр анаммыт кылаас чаастара ыытылыннылар, онтон бары хомуллан И.Барахов скверигэр тиийэн нэһилиэнньэни кытта миитинҥэ кыттыыны ыллылар.
12.30 чааска оскуолаҕа Оскуола күнүн үөрүүлээх быһыыга-майгыга оскуола директора Алексеева Надежда Гаврильевна эҕэрдэтиттэн саҕаланна. Надежда Гаврильевна олимпиада кыайыылаахтарыгар уонна салайааччыларыгар грамоталары туттарда.
«Старший учитель» аат хаһаайката, алын сүһүөх кылаас учуутала Фекла Алексеевна Михайлова аатынан «Успешный ученик-лингвист» анал аат туттарылынна 2023-2024 үөрэх дьылыгар үөрэххэ үрдүк ситиһиилэрин, нуучча тылыгар республиканскай олимпиадалар призеругар, улуустааҕы хоһоон ааҕыытын кыайыылааҕар, английскай тылыгар региональнай олимпиадаҕа 10 бастыҥнар истэригэр киирбит Кривошапкин Эрчимҥэ (4а кылаас). Бириэмийэни Фекла Алексеевна балта, нуучча тылын уонна литературатын учуутала Александра Федотовна Федорова туттарда.
Алын сүһүөх учуутала, «Учууталлар учууталлара” бэлиэ хаһаайына Куличкина Ирина Никитична аатынан «Лучший выпускник начальной школы» анал ааты алын сүһүөх кылаастарга үчүгэй үөрэҕин, ситиһиилэрин, оскуола олоҕор көхтөөх кыттыытын иһин 4-с кылаас үөрэнээччитигэр Бурнашев Дамирга туттарылынна.
Математика учуутала Андрей Михайлович Кырджагасов аатынан «Лучший математик начальной школы» анал аат үчүгэй ситиһиилээх үөрэҕин, дуобакка, алын сүһүөх кылаастарга математикаҕа үрдүк ситиһиилэрин иһин 4б кылаас үөрэнээччитигэр Аввакумова Викаҕа туттарылынна.
РФ үөрэҕириитин туйгуна Федора Гаврильевна Томская аатынан «Лучший выпускник начальной школы» алын сүһүөх кылаастарга үчүгэй үөрэҕин, ситиһиилэрин, оскуола олоҕор көхтөөх кыттыытын, научнай -практическай конференция призеругар, уус-уран ааҕыыларга кыайыытын иһин Кисиляхова Виталинаҕа анал ааты Федора Гаврильевна уола Павел Степанович Никифоров туттарда.
Бүлүүтээҕи педучилищены араас сылларга бүтэрбит выпускниктар ааттарынан «Лучший ученик начальной школы» анал ааты туйгун үөрэҕин, үрдүк ситиһиилэрин, уус-уран ааҕыылар кыайыылааҕар, республиканскай мета-олимпиада, республиканскай саха тылын уонна нуучча тылын олимпиадаларыгар кыайыытын иһин 4а кылаас үөрэнээччитэ Саввинов Сарыалга Саргылана Максимовна Семенова туттарда.
Көҥүл тустууга РФ спордун маастара Павлов Андрей Егорович “Лучший спортсмен начальной школы” премиятын 2 кылаас үөрэнээччитигэр Егоров Айсеҥҥа туттарда.
РСФСР үөрэҕириитин туйгуна, учууталлар Учууталлара Ильина Мария Николаевна уонна педагогическай үлэ ветерана Петров Василий Васильевич дьиэ кэргэттэрин аатыттан «Үөрэххэ дьулуурун иһин» премияны 11 кылаас үөрэнээччитигэр Адамова Айтаҕа кыра уоллара Василий Васильевич Петров туттарда.
РФ үөрэҕириитин туйгуннара, СР үөрэҕириитин бочуоттаах үлэһиттэрин Иван Николаевич уонна Федора Кирилловна Харитоновтар «За успехи в изучении предметов естественного цикла» анал ааттара үөрэххэ үрдүк ситиһиилэрин иһин, химия олимпиадатын муниципальнай этабын призеругар, «Молодые профессионалы» химический анализ компетенция күрэҕин улуустааҕы этабын кыайыылааҕар, 10 кылаас үөрэнээччитигэр Павлова Лилиянаҕа кийииттэрэ, биология учуутала Харитонова Сардана Валерьевна туттарда.
Строганов аатынан Российскай судаарыстыбаннай художественнай промышленнай академия преподавателэ Иннокентий Иннокентьевич Тюляхов аатынан «Золотые руки» бириэмийэтэ «Искусство из конского волоса» компетенция улуустааҕы этабын кыайыылааҕар, республиканскай этабын 2 миэстэтин иһин, илиинэн оҥорор араас хабааннаах выставкалар кыайыылааҕар, 10 кылаас үөрэнээччитигэр Васильева Сайыынаҕа туттарылынна.
Ленин, Октябрьский революция орден кавалердара, Саха АССР бочуоттаах рационализатора, Ытык Аҕа бэлиэ хаһаайына Павлов Спиридон Степанович аатынан «Хозяин земли» премиятын 10 кылаас үөрэнээччитигэр Гаврилина Калерияҕа уола Павлов Спиридон Спиродонович, сиэнэ Павлова Надежда туттардылар.
«Оскуола инники эрэлэ» директор анал премията Үөһээ Бүлүү улууһугар 11-с төгүлүн ыытыллыбыт Республикатааҕы «Эр хоһуун» күрэх «Кылаан чыпчаал» аатын хаһаайына, Республикааҕы «Таежный герой» военнай-спортивнай оонньуу кыайыылааҕар, үбүлүөйдээх 95 сылы көрсө ыытыллыбыт «Эр Бэрдэ-2024» сахалыы многоборье күрэҕэр 3 миэстэлээх 11 кылаас үөрэнээччитигэр Степанов Алешаҕа оскуола директора Алексеева Надежда Гавильевна туттарда.
Саха АССР культуратын үтүөлээх үлэһитэ, самодеятельнай композитор Мария Игнатьевна Константинова аатынан «Талант года» бириэмийэ култуура эйгэтигэр үрдүк ситиһиилэрин иһин бэлиэни “Күөрэгэй” вокальнай ансамбльга (сал. Ильина Н.И.) оскуола профкомун бэрэссэдээтэлэ Анна Аркадьевна Тойтонова туттарда.
СР үөрэҕириитин туйгуна Марина Иннокентьевна Кардашевская аатынан «Успешный ученик – 2024» анал ааты туйгун үөрэҕин, олимпиадаларга ситиһиилэрин иһин 4 кылаас үөрэнээччитигэр Семенов Айсеҥҥа Марина Иннокентьевна кэргэнэ Аскалон Иннокентьевич Кардашевскай туттарда.
Көҥүл тустууга Саха АССР спордун маастара, Манчаары оонньууларын хас да төгүллээх призера, Саха Республикатын норуотун хаьаайыстыбатын үтүөлээх үлэһитэ, Үөһээ Бүлүү улууһун бочуоттаах олохтооҕо Бырдакаров Валерий Афанасьевич аатынан «Лучший спортсмен школы» анал ааты республикаҕа, улууска, Беларуссияҕа үрдүк ситиһиилэрин иһин 7 кылаас үөрэнээччитэ Сидоров Ярославка Валерий Афанасьевич уола Афанасий Валерьевич туттарда.
Спорт бэтэрээнэ, хапсаҕайга улуус хас да төгүллээх призера Иннокентий Иннокентьевич Кардашевскай аатынан «За верность традициям» анал ааты спортка үрдүк ситиһиилэрин иһин 8 кылаас үөрэнээччитигэр Соловьев Мирославка Иннокентий Иннокентьевич уола Аскалон Иннокентьевич Кардашевскай туттарда.
2023-2024 үөрэх дьылыгар кылааһы салайарга үрдүк сатабылын, ситиһиилэрин иһин Нам орто оскуолатын 1974 сыллаах выпускниктар кылаастарын салайааччылара, Саха Республикатын үөрэҕириитин туйгуна, педагогическай үлэ бэтэрээнэ Кривошапкина Елизавета Денисовна уонна СР муниципальнай сулууспатын туйгуна, СР үөрэҕириитин туйгуна Иван Николаевич Харитонов ааттарынан «Кылаас бастыҥ салайааччыта» анал ааты 7б кылаас салайааччытыгар Герасимова Любовь Дмитриевнаҕа СР үтүөлээх агронома, СР үөрэҕириитин туйгуна Варвара Ивановна Гаврильева бииргэ үөрэммиттэрин кытта туттарда.
СР үтүөлээх бырааһа Лидия Филипповна Корякина аатынан «За усердие» анал ааты үөрэххэ, олимпиадаларга, научнай-практическай конфеоренцияларга үрдүк ситиһиилэрин иһин 9 кылаас үөрэнээччитигэр Павлова Динаҕа Лидия Филипповна уола Павел Иванович туттарда.
СР үөрэҕириитин туйгуна, СР үөрэҕириитин бочуоттаах ветерана, “За вклад в развитие детского движения в Республике Саха (Якутия)” бэлиэ хаһаайката Сидорова Любовь Николаевна аатынан «Лидер года — 2024» премияны 11 кылаас үөрэнээччитигэр Саввинов Ильяҕа Любовь Николаевна улахан кыыһа Вилена Гаврильевна Алексеева туттарда.
Саха народнай поэта Петр Николаевич Тобуруокап уонна РСФСР үөрэҕириитин туйгуна Евгения Васильевна Ноговицына ааттарынан «ЗНАК ОТЛИЧИЯ» анал бэлиэни улуустааҕы технология, география предметтэрин кыайыылааҕа, история призера, республикатааҕы технология призера, республикатааҕы “Инникигэ хардыы” научнай конференция 1 степеннээх дипломана, академик В. П. Ларионов аатынан XXVII Республикатааҕы эдэр чинчийээччилэр научнай конференцияларын кыайыылааҕа, XVII Арассыыйатааҕы «Софроновскай ааҕыылар» НПК лауреата, СӨ Ил Дарханын стипендиатыгар 11 кылаас үөрэнээччитигэр Пестряков Харысхаҥҥа Тобуруокаптар уонна Наумовтар ааттарыттан оскуола директора, СР үөрэҕириитин туйгуна Надежда Гаврильевна Алексеева туттарда.
Нам нэһилиэгин аҕа баһылыга Александр Иннокентьевич Кардашевскай анал бириэмийэлэрэ — «Выпускник года» анал аат 11 кылаас үөрэнээччитигэр Андреев Гришаҕа, “Спортсмен года” анал аат 9 кылаас үөрэнээччитигэр Аввакумова Эмилияҕа, “Учитель года” анал аат алын сүһүөх учууталыгар Тойтонова Анна Аркадьевнаҕа туттарылыннылар. Үөрүүлээх тэрээһиҥҥэ барыта 23 бириэмийэ туттарылынна.
Любовь Сидорова,
оскуола музейын салайааччыта
