Үөһээ Бүлүүтээҕи М.Т. Егоров аатынан иккис нүөмэрдээх орто оскуолаҕа кулун тутар 14-15 күннэригэр В.С.Долгунов аатынан “Учительская лига” күрэх ыытылынна. Сетевой уокуруктарынан 4-түү киһилээх 5 хамаанда күөн күрэстэ. Барыта 10 эксперт үлэлээтэ.
Бастакы күн сетевой уокуруктарынан тарҕаһан бараннар бырайыак толкуйдаатылар. Онтон хамаанданан үс түһүмэхтээх “Своя игра” интеллектуальнай оонньуу буолла.
Иккис күнүгэр биэс уруок ыытылынна. «Соляной бунт 1648», «Диффузия», «Вода-основа жизни и цивилизации», «Внешнее строение насекомых», «Чабырҕах» диэн интэриэһинэй уруоктары көрдүбүт. Эбиэт кэннэ «Искусственный интеллект в образовательной деятельности заменит учителей» диэн тиэмэҕэ дебат ыытылынна. Манна учууталлар тус санааларын этиннилэр, ыйытыыларга эппиэттээтилэр. Дебат кыайыылаахтарынан иккис уокурук «Искра» хамаандата таҕыста.
Икки күннээх күрэх түмүгүнэн 3-с миэстэ 2-с уокурук “Искра”, 2-с миэстэ “Факультет” уонна кыайыылаахтарынан 4 уокурук “Феникс” хамаандата — Константинов Григорий Иванович, Корнилова Александра Александровна, Павлoв Василий Агитович, Степанов Владислав Захарович үөрүү өрөгөйүн биллилэр.
Кыайыылаахтарга Үөрэх управлениетын начальнига Кынатов Юрий Васильевич Санкт-Петербург куоракка стажировкаланалларыгар наҕарааданы туттарда.
Вера Романова