Үөһээ Бүлүүтээҕи «Аленушка» оҕо сайдар кииҥҥэ ааһан эрэр сыл ахсынньы 10 күнүгэр доруобуйаларынан хааччахтаах дьон декадаларыгар сөп түбэһиннэрэн, республикатааҕы «Дьикти түгэни кэтэһии» оскуола иннинээҕи саастаах оҕолорго аналлаах күрэх түмүктэннэ. Күрэҕи “Аленушка” уһуйаан эбии үөрэхтээһиҥҥэ педагога Анисимова Татьяна Алексеевна иилээн-саҕалаан ыытта. Күрэх сыалынан доруобуйаларынан хааччахтаах оҕолору кытта биирдиилээн үлэ, илиилэригэр талааннаах оҕолору булуу, кэрэҕэ угуйуу, уопсастыба болҕомтотун тардыы буолар. Күрэх тиэмэтинэн кэлэр сыл бэлиэтин «Ураты араастаах эриэн үөннэри» оҥоруу балаһыанньаҕа бигэргэнэн, ый инниттэн тарҕаммыта. Республика араас муннуктарыттан барыта 250 үлэ киирдэ, ол курдук, Дьокуускай куорат, Нерюнгри, Чурапчы, Жатай, Таатта, Өктөм, Маҕан, Верхоянскай, Мэҥэ-Хаҥалас, Бүлүү, Аллараа Бэстээх, Үөһээ Бүлүү оҕолоро кыттыыны ыллылар. Киирбит үлэлэр бары да киһини кэрэхсэтэллэр, оҕолорго сөптөөх болҕомто ууруллара көстөн таҕыста. Ол курдук, төрөппүттэр, уһуйаан исписэлиистэрин кыһамньылаах үлэлэринэн оҕолор араас ньыманан, материалынан тутта үөрэнэллэрин көрдөрдүлэр. Хас биирдии доруобуйатынан хааччахтаах оҕоҕо болҕомто ууруллан, биир тэнҥэ, биир санаанан салайтаран үлэ бардаҕына оҕо сайдар, инникигэ кэскиллэнэр, кынаттанар.
Тэрээһиҥҥэ сылын ахсын элбэх оҕо кыттыыта, киэҥ эйгэҕэ тэлэһийэ көтөрө элбэҕи биэрэр. Күрэххэ кыттаары оҕо тула түмсүүлэрэ, кини саһа сытар талааанын арыйыы, тарбахтарын эрчийии, тугу оҥоробун, хайдах ньыманан, саҥа тугу оҥорон дьону соһутабын диэн оҕо киэҥ толкуйа – бу барыта ситимнээх үлэ түмүгэ буолар. Күрэх үгэһинэн дьүүллүүр сүбэ кыайыылаахтары добун суругунан бэлиэтээтэ. Сүрүн миэстэни, ордук уһулуччу үлэлэри бэлиэтээн аастахха маннык:
Хамаанданан үлэҕэ бастаатылар:
3-4 саастаахтарга: Кычкин Гена, Тылыбыев Вова, Токуева Инесса, Адросов Тимофей, Нектегаев Саша 86 №-дээх «Колокольчик» куораттааҕы уһуйаан иитиллээччилэрэ, салайааччылар Борисова Кюнняй Юрьевна, Матвеева Ольга Витальевна, Чибирева Ирина Михайловна.
5-7 саастаахтарга 1 №-дээх «Сулусчаан” уһуйаан улахан “Куобахчаан“ бөлөх иитиллээччилэрэ, салайааччы Антонова Анисия Васильевна, Сторожева Наталия Рашидовна.
Мэһийии көрүҥэр бастаатылар 3-4 саастаахтарга: 5 №-дээх куорат «Радуга» уһуйаан иитиллээччитэ Бурнашов Айаал, салайааччы Овчинникова Е.А. уонна 3 №-дээх Таатта улууһун Ытык-Күөл нэһилиэгин “Чуораанчык” бөлөх иитиллээччитэ Торговкин Миша, салайааччы Сунхалырова Валентина Васильевна, Федосеева Туйаара Степановна.
5-6 саастаахтарга куорат 70 №-дээх «Кэрэчээнэ» уһуйаан иитиллээччитэ Слепцова Аливия, салайааччы Нестерова Татьяна Юрьевна.
7-8 саастаахтарга 3 №-дээх «Мүрүчээнэ» уһуйаан иитиллээччитэ Васильев Арсен, салайааччы Старостина Варвара Андреевна, Окоемова Ирина Николаевна.
Кумаахынан пластикаҕа бастаатылар 3-4 саастаахтарга «Хатыҥчаана» уһуйаан иитиллээччитэ Артемьева Лилия, салайааччы Пахомова Ульяна Дмитриевна.
5-6 саастаахтарга Бүлүү улууһун Тааһаҕар нэһилиэгин «Мичээр» уһуйаан иитиллээчитэ Спиридонов Леонид , салайааччы Куланова Мария Аскалоновна.
ГБУ РС(Я) «РЦССВ» иитиллээччитэ Григорьев Александр, салайааччы Лера Абзаева.
Дьокуускай куорат «Теремок» 33 №-дээх уһуйаан иитиллээччитэ Иванов Кэнчээри, салайааччы Антипина М.И., Николаева Л.П.
7-8 саастаахтарга куораттааҕы 29 №-дээх МБДОУ «Золотая рыбка» иитиллээччитэ Николаева Яна, салайааччы Заплава Е.А.
Үгэс буолбатах матырыйааллар оҥоһукка бастаатылар 3-4 саастаахтарга Ньурба оройуонун 10 №-дээх «Лесная сказка» иитиллээччитэ Осипов Артем, салайааччы Константинова Лилия Кирилловна.
5-6 саастаахтарга Үөһээ Бүлүү улууһун 4 №-дээх «Сардаана” уһуйаан иитиллээччитэ Богачанов Айдар, салайааччы Васильева Алина Макарьевна. Үөһээ Бүлүү улууһун 6 №-дээх «Солнышко» уһуйаан иитиллээччитэ Федотова Амелия, салайааччы Константинова Ульяна Юрьевна, Игнатьев Василий Николаевич, Оҕуруоттаах нэһилиэк 25 №-дээх «Кустук» уһуйаанын иитиллээччитэ Андросов Данияр, салайааччы Тарская В.В., Петухова В.П.
7-8 саастаахтарга № 1 «Звездочка» иитиллээччитэ Габышева Милена, салайааччы Протопопова Александра Николаенва.
Сиһилии миэстэлэспит үлэлэри бу сайт нөҥүө киирэн http://mbdou-alenushkavxv.obr.sakha.gov.ru/ билсиҥ. Инникитин да оҕолорбут туһугар кыһаллыаҕыҥ, бары күүспүтүн түмүөҕүҥ.
Александра Михайлова, “Аленушка” уһуйаан салайааччыта
«Үөһээ Бүлүү» хаһыат