Кулун тутар 19 күнүнээҕи 61 нүөмэрдээх улуус баһылыга В.В.Николаев дьаһалынан, оҕо спортивнай оскуолата «Д.Е.Корякин аатынан оҕо спортивнай оскуолата» диэн ааттанна, оскуолабыт төрүттээччитин, бастакы дириэктэрин, «Дети Саха Азии» пуонда стипендиата, РФ норуот үөрэхтээһинин бочуоттаах үлэһитэ, СӨ физическэй култуура үтүөлээх үлэһитэ Данил Егорович Корякин аатын сүктэ.
Бу үөрэх дьылыгар 21 тренер-преподователь үлэлээтэ, кинилэртэн 9 үрдүк физкультурнай үөрэхтээх, 9 – орто үөрэхтээх. Үрдүк категориялаах 11 тренер-преподователь үлэлиир, биэһэ 1-кы категориялаах.
2023-24 үөрэх дьылыгар 11 эти-хааны сайыннарар эбии бырагырааманан 565 оҕо дьарыктанна (604 иккис зачетка). 2023 сыл түмүгүнэн Саха сирин таһыгар уопсайа 6 спортивнай күрэхтэһиилэргэ 40 оҕо кытынна. Оттон 2024 сылга 29 оҕо тоҕус улуус таһыгар буолбут күрэхтэһиилэргэ кыттыыны ыллылар.
2023 сылга Россияҕа бастыыр иһин күрэхтэһиилэргэ мэтээл зачетугар 2 кыһыл көмүс, 8 үрүҥ көмүс уонна 5 боруонса мэтээллэри аҕалбыттара. Быйыл 1 үрүҥ көмүс, 6 боруонса мэтээллээхтэр.
2023 с. 63 юниор ирдэнэр разрядтары толорбуттара, онтон 1 разряд – 9, КМС – 1. 2024 с. ирдэнэр разрядтары 21 спортсмен, КМС – 4 (оҕо спортивнай оскуолатын үөрэнээччилэрэ). Дуобат оскуолатын үөрэнээччилэрэ 1 спортивнай уонна КМС нуорматын толордулар (тренердэр С.Г.Терентьева, хотугу многоборьеҕа Р.В.Григорьева).
Оҕо спортивнай оскуолатын базатыгар 23 миэстэлээх интернат үлэлиир. Иитээччилэр араас хабааннаах тэрээһиннэри ыыталлар, спортсменнар литературнай, художественнай-прикладной көрүҥнэринэн иллэҥ кэмнэригэр дьарыктаналлар. Чемпион буоларга дьулуһар оҕолору кэлэр сылга бу интернакка ыҥырабыт.
Бу үөрэх дьылыгар 20 выпускниктаахпыт, барыларыгар оҕо спортивнай оскуоланы бүтэрбит свидетельстволарын туттардыбыт, бастыҥнар грамоталары, эҕэрдэ суруктары ыллылар. Көхтөөх төрөппүттэргэ Махтал суруктары биэрдибит.
Оҕолор дьарыктарын көтүппэттэрин туһугар 50 оҕону хабар «Спортландия» спортивнай, чэбдигирдэр лааҕыр арыйан үлэлэтээри олоробут.
Оҕолорбут ситиһиилэрин, спортивнай оскуола үлэтин туһунан социальнай ситимнэргэ, госпабликтарга, сайтпытыгар сырдата олоробут. Биһиги ханаалларбыт:
Телеграмм-ханаал: https://t.me/sportschool_vervil
ВК: https://vk.com/public217412161
ОК: https://ok.ru/group/70000001280754
Спортка сыһыаннаах оҕолору Д.Е.Корякин аатын сүгэр оскуолабытыгар ыҥырабыт!
А.В.Иванова,
Д.Е.Корякин аатынан оҕо спортивнай оскуолатын директорын солбуйааччы
