Саҥа дьылбыт чугаһаата, маҕаһыыннар аайы араас уоттаах дэлби тэбэр оҥоһуктар атыыга тахсыахтара. Хас биирдии атыылаһааччы оҥоһугу көрөн-истэн атыылаһара наада. Атыыга турар пиротехническэй оҥоһуктар үксүгэр нууччалыы тылбааһа, сертификата суох атыыланаллара баар суол. Бу РФ “О защите прав потребителей” сокуонун кэһии буоларын хас биирдии атыылаһааччы билиэх тустаах.
Сүрүн болҕомтоҕутун бу тэрил хаһан оҥоһуллубутугар, хаһааҥҥа диэри болдьохтооҕор (срок) көрүҥ. Ирдэбилгэ эппиэттиир сертификатын атыыһыттан ылан көрөр эбээһинэстээххит. Сертификакка РОСТЕСТА бэлиэ уонна кода, холобура: ЦЦО2, ЦЦО6, ЦЦО7 баарын көрүҥ. Хаҕыгар нууччалыы суруктааҕа ирдэнэр, онно ханна, хаһан оҥоһуллубута, штрих-кода, төлөпүөнүн нүөмэрэ, инструкцията, хас сааһыттан көҥүллэнэрэ, дьиэттэн төһө тэйиччи туран эһиллиэхтээҕэ суруллубут буолуохтаах. Өйдөөҥ! Сыыһа-халты туттууттан эбэтэр оҕоҕо эстэрэн, араас кутталлаах дэҥ-оһол, баһаардар да буолар түбэлтэлэрэ баар. Эстэр, умайар тэрили эһэргэ маннык ирдэбиллэри булгуччу тутуһаргыт хайаан да наада:
— эһиэх иннинэ бастаан инструкциятын аах, ирдэбили тутус;
— срога тахсыбыт буоллаҕына эһимэ, бу киһи олоҕор кутталлаах;
— таһа алдьаммыт, имиллибит, сиигирбит эбэтэр сиэрэй, хара бээтинэлээх буоллаҕына атыылаһыма;
— пиротехническай оҥоһугу эһиэҥ иннинэ тас суутун алдьатар көҥүллэммэт;
— пиротехническай оҥоһугу сиэпкэ уктар, ититэр прибор таһыгар уурар көҥүллэммэт;
— дьиэ иһигэр, балконтан туран эһэр көҥүллэммэт;
— оҥоһугу охтубат бөҕө тирэххэ олордон эһиллиэхтээх, от таһыгар, уот ситимин анныгар, тутуу таһыгар чугас эһэр көҥүллэммэт;
— уматар шнура (фитиля) 2 см кылгас буолуо суохтаах;
— эстибит оҥоһугу кутаа уокка, оһоххо быраҕар көҥүллэммэт, 2 чаас устата ууга сытыаран баран быраҕыҥ;
— улахан киһитэ суох оҕолор эһэллэрэ көҥүллэммэт;
— тэрилтэлэр салют ытар түгэҥҥитигэр анал бирикээһинэн сыһыарыллыбыт киһи баар буолуохтаах.;
— пиротехниканы атыылыыр тэрилтэлэр, атыыһыттар, төрөппүттэр бу оҥоһуктар 12-тэн үөһээ саастаах эрэ оҕолорго атыыланыахтаахтарын билиэхтээхтэр. Кыра оҕолорго пиротехническай оҥоһугу атыылыыр бобуллар;
Атыыга турар пиротехника таас витрина иһигэр сытара ирдэниллэр. Оҥоһук туспа сейфалаах буолуохтаах. Халлааҥҥа көтүтэр халлаан фонариктары ыытартан туттунуҥ. Бу эмиэ баһаар төрдө буоларын умнумаҥ. Кыра оҕону дьиэҕэ соҕотохтуу хаалларымаҥ, таһыттан хатаамаҥ!
Бырааһынньыктар этэҥҥэ ааһалларын туһугар уокка, пиротехникаҕа ордук сэрэхтээх буоларга кыһаллыҥ.
Андрей Александров, Үөһээ Бүлүү оройуонун баһаарынай надзору ыытар отделениетын салайааччыта