Бүгүн биһиги редакциябытыгар М.Т.Егоров аатынан 2-с нүөмэрдээх орто оскуола 8-с кылааһын үөрэнээччилэрэ (кылаас салайааччыта Наталья Александрова) кэлэн ыалдьыттаатылар.
Оҕолор идэни талар толкуйугар сылдьар буолан араас идэлэри кытары билсэллэр, үөрэтэллэр. Хаһыат редактора Кристина Семенова хаһыат историятыттан саҕалаан билиҥҥи кэми, суруналыыс идэтин туһунан кэпсээтэ. Оҕолорго хаһыат хайдах оҥоһуллан, таҥыллан бэчээккэ барарын техническэй редактор Айаал Григорьев көрдөрдө.
Суруналыыс буолар баҕалаах оҕолорго билиҥҥэттэн араас матырыйааллары, хоһооннору, хаартыскалары ыыталларыгар сүбэлээтибит, инникитин да үлэлэһиэхпит диэн кэпсэттибит.
«Үөһээ Бүлүү» хаһыат