Бэс ыйын 20 күнүгэр өрөспүүбүлүкэ үрдүк уонна орто үөрэх кыһаларыгар докумуоннары тутуу хампаанньата саҕаланар. Үөрэххэ туттарсааччыларга докумуоннары биэрии судургу буоллун диэн «Абитуриент-2024» диэн @obrazovanie_yakutia_bot чат-боту туһаналларыгар ыҥыраллар. Бу анал сервис орто уонна үрдүк үөрэххэ туттарсыы кэмигэр үөскүүр ыйытыыларга хоруй биэрэр аналлаах. Чат-бот өҥөтө туттарсыы ньымаларын, абитуриеннарга ирдэбиллэр, ханнык идэ көрүҥнэрэ баалларын о.д.а. билэргэ олус табыгастаах.
Ону тэҥэ, уустук боппуроус үөскүүр түгэнигэр докумуоннары тутар хампаанньа122 быһа нүөмэригэр эрийэн, ол кэннэ эбии 9 сыыппараны баттаан ыйыталаһыаххытын сөп. Бу нүөмэринэн специалистар ханнык баҕарар боппуруоска эпииэттииргэ бэлэмнэр. Онлайн-ресурс көмөтүнэн уонна быһа нүөмэргэ эрийэн тиийэн, абитуриеннар үөрэххэ туттарсыы туһунан бэйэлэригэр наадалаахтарын булан ылыахтара.
