Бүгүҥҥү күммүт сарсыардааҥы халлаана Үөһээ Бүлүүгэ дойду былааҕын өҥүнэн киэркэйдэ.
Дойдубут Бэрэсидьиэнэ Владимир Путин бэҕэһээ соруктаабыт этиилэрэ олоххо киирэн дойдубут күүһүрэрин айылҕабыт кытта сэҥээрэргэ дылы.
Уһун түүн толкуйбар буһаран-хатаран баран түмүккэ кэлбиппинэн, биһиги сахабыт сиригэр сыһыаннаах бырагыраамаларга кыттаммыт, хамаанданнан күүстээх үлэ ыыттахпытына, кэлэр 6 сылга тосту атын таһымҥа тахсар кыахтанныбыт.
Владимир Путин инники кэлэр сайдыы суолун чопчулаата, аны биһиги ону туһанан сыалбытын ситиһэрбит эрэ хаалла. Холобур, тыа сирдэригэр тиийэ мастер-план оҥорууга көмө көрүллэрин, оскуолалар, оҕо уһуйааннара өрөмүөннэнэллэригэр үп-харчы тыырылларын, социальнай гаазтааһыны, оскуолаларга транспорт саҥардылларын, «Кадры», «Земский работник культуры» национальнай бырайыактары, түргэн интернет ситимин киэҥник тарҕатыыны, доруобуйа харыстабылын дьиэлэрин тутууну сэҥээрэ иһиттим.
Биһиги бу түгэни мүлчү туппакка, биир хайысхаҕа хайыһан, биир тиэмпэннэн үлэлээтэхпитинэ, бырагыраамаларга хапсан улууспутугар элбэх саҥаны киллэрэр кыахтанныбыт.
Күндү дойдум дьоно, буолаары турар быыбарга инники кэскилбит туһугар, тирэхтээхтик биир санааннан дойдубут Бэрэсидьиэнин өйүөҕүҥ, сайдыыны, кыайыылаах буолууну талыаҕыҥ диэн ыҥырабын!
Валерий Николаев, Үөһээ Бүлүү улууһун баһылыга
T.me/ValeriNikolaev страницатыттан
