Балаҕан ыйын 9 күнүгэр Оҕо искусствотын оскуолатын саалатыгар Парижка ыытыллыбыт Олимпиада кыттыылааҕа, Россия 5 төгүллээх чемпионката, Үөһээ Бүлүү улууһун уонна Тамалакаан нэһилиэгин Бочуоттаах олохтооҕо Сардаана Трофимованы көрсүү, чиэстээһин сиэрэ-туома ыытылынна. Сардаана ситиһиитигэр сүгүрүйэ, эҕэрдэлии улууспут олохтоохторо тоҕуоруһа муһуннулар.
Сардаана Александровна тыл этэригэр: «Үөһээ Бүлүү өрүү сүрэхпэр. Мин ситиһиим Эһиги эмиэ ситиһиигит. Хас биирдии киһиэхэ, «ыалдьааччыларбар» махтанабын!» — диэтэ.
