Элбэх оҕолоох, кыра дохуоттаах ыаллар оскуолаҕа үөрэнэр хас биирдии оҕолорун наадалаах таҥаһынан-сабынан хааччыйарга көмө харчы ылыахтарын сөп. Оҕо сааһа 18 дылы буолара ирдэнэр.
СӨ Үлэ министерствота иһитиннэрэринэн, 2024 сылга төлөбүр кээмэйэ 4 302 солкуобайга тэҥнэһэр.
Бу региональнай көмө кээмэйэ киһи орто хамнаһа тиийинэн олоруу алын кээмэйиттэн намыһах дохуоттаах ыалга, ол эбэтэр киин оройуоннарга 24 925 солкуобайтан намыһах, Арктика оройуоннарыгар 29 758 солкуобайтан намыһах буоллаҕына бэриллэр.
Төлөбүрү ылар туһуттан биир төрөппүт www.e-yakutia.ru электроннай сайабылыанньаны суруйан ыытыан эбэтэр МФЦ нөҥүө ыытыахха сөп. Ссылката https://e-yakutia.ru/#/functions/1400000000165621229
«Үөһээ Бүлүү» хаһыат