Биир кэмнээх биһирэбил бириэмийэни Саха сирин үрдүнэн уопсайа 31 тренер, физкультура учуутала ылла. Ил Дархан Айсен Николаев Ыйааҕар олоҕуран, Саха Өрөспүүбүлүкэтин үөрэнээччилэрин «Спортивные якутяне» спартакиадаҕа чөмпүйүөннэри бэлэмнээбит тренердэргэ уонна физкультура учууталларыгар 100 тыһыынча солкуобай бириэмийэ төлөнүөҕэ. Хас биирдии спорт көрүҥүгэр биирдии тренери талан ылан анаатылар.
Спартакиданы түмүктүүр үөрүүлээх түгэҥҥэ СӨ Бырабыыталыстыбатын бэрэссэдээтэлин солбуйааччы Сергей Местников 31 педагокка сертификаттары туттарда.
Биһиги улууспутуттан бастыҥ тренердэр ортолоругар хотугу многоборьеҕа тренер Раиса Васильевна Григорьева уонна хапсаҕай тренерэ Михаил Михайлович Егоров киирэннэр 100-түү тыһыынча солкуобайдаах бириэмийэнэн биһирэннилэр. Бу бириэмийэ тренердэр, учууталлар оҕолору спортка угуйалларыгар, утумнаахтык дьарыктыылларыгар бигэ тирэх буолара мэлдьэҕэ суох.
