ППМИ бырайыагар кыттыыны дьүүллэһэр сүбэ мунньах алтынньы 11 күнүгэр буолан ааспыта. Бу ППМИ нэһилиэк олохтоохторун үлэҕэ кыттыһалларыгар көҕүлүүр, эппиэтинэстиир, мунньар биир кэскиллээх программа буолар.
Былырыын ППМИ бырайыагар кыттан быйыл сайын Ыһыахтыыр сирбитин тупсаҕай көстүүлээх буоларын ситиһэргэ Балаҕан, Ураһа, Сэргэ, Киирэр арка уонна күрүөтүн оҥотторор үлэтин ыытан нэһилиэк дьоно-сэргэтэ үөрүүлэрэ үгүс, онон эһиилги ППМИ бырайыагар Ыһыахтыыр сирбитин силигин ситэрэргэ эбии тупсаҕай көстүүлээх Сцена, 100 киһи олороругар трибуна уонна хорчуоппа киоскаларын туттарарга туруорустулар, таллылар.