Быйыл Түмсүү сылынан Кырыкый нэһилиэгин «Саһарҕа» түмсүүтэ Оҥхой нэһилиэгин «Сатабыл» түмсүүтүн кытта уопут атастаһа көрсүһэн кэллэ.

«Сатабыллар» алаадьылаах көрүстүлэр, быыстапка көрдөрдүлэр. Спортивнай күрэхтэһии буолла. Итии чэй иһэ-иһэ сэһэргэһэн концерт көрдөрдүбүт,  талааннара сөхтөрдө. «Саһарҕа» түмсүү салайааччыта Татьяна Федотовна Иванова түмсүү аатыттан махтал истиҥ тылларын тиэртэ, элбэҕи көрөн-истэн, үөрэнэн, астынан кэллибит дииллэр. Оҥхой нэһилиэгин «Сатабыллар» салайааччыларыгар Наталья Семеновна Никифороваҕа, түмсүүлэр салайааччыларыгар Мария Гаврильевна Васильеваҕа, кулууп дириэктэрэ Мария Филипповна Бараховаҕа, уус-уран салайааччыларыгар Мария Николаевна Алексееваҕа, библиотекарь Кристина Валерьевна Сергееваҕа тэрээһиҥҥэ кыттыһан көмөлөспүттэригэр махтанабыт. Алгыс этэн, бэлэх туттаран соһуттулар. Инникитин да маннык көрсүһүү тиһигин быспакка буолара буоллар диэн баҕа санаалаахпын.

Лия Васильева, 

библиотекарь

Читайте дальше