1974 сыл саҕаланыытыгар тохсунньу тымныыларыгар Мэйик нэһилиэгэр Яковлевтар диэн ыал күн сирин көрбүтэ номнуо 50 сылыгар үктэнэн эрэр. Бу биһиги күҥҥэ тэңнээх күндү дьоммут, ийэлээх аҕабыт Мария Михайловна, Март Афанасьевич Яковлевтар буолаллар!
Аҕабыт элбэх оҕолоох ыалга иккис оҕоннон Мэйик нэһилиэгэр күн сирин көрбүтэ, Ийэбит Далыр нэһилиэгиттэн төрүттээх соҕотох ийэҕэ эмиэ иккис оҕоннон төрөөбүтэ. Кинилэр 8 оҕоҕо күн сирин көрдөрөн, бүөбэйдээн улаатыннарбыттара. Биһиги дьоммут күүстээх тапталлаахтар, бэйэ бэйэлэрин ситэрсэн, толорсон биэрэр ураты аналлаахтар. Ийэбит алаһа дьиэ хаһаайката, баайар талааннаах, улууска, нэһилиэккэ ыытыллар быыстапкаларга көхтөөхтүк кыттар. Аҕабыт эдэр сылдьан сылгыһыттыыра, сайын адьас ыраах оттуу бардаҕына ахтан, суохтаан да биэрээччибит. Бочуоттаах сынньалаҥар бильярд оонньуутунан дьарыктанар. Бэйэтин саастыылаахтарыгар республикаҕа чемпион буола сылдьыбыта.
Түгэнинэн туһанан, бүгүҥҥү бырааһынньыктарынан эҕэрдэлиибит. Этэҥҥэ, доруобайдык биһиги аттыбытыгар үтүө холобур буола сылдьыҥ. Оҕолоргут, сиэннэргит, хос сиэннэргит ситиһиилэринэн кынаттанан, тапталларыгар куустаран уһун үйэлээх буолуҥ!
Оҕолорун ааттарыттан Любовь Баишева
