Үөһээ Бүлүүтээҕи 12-с нүөмэрдээх баһаарынай чаас үлэһиттэрэ оскуола, оҕо саад оҕолоругар сэрэтии үлэтин тиһигин быспакка ыыталлар.
Ол курдук, бу күннэргэ «Солнышко» оҕо уһуйаана, орто уонна бэлэмнэнии бөлөхтөрүттэн уопсайа 21 оҕо иитээччилэрин кытары ыалдьыттаатылар. Инструктордар А. Н. Иванов уонна А.В. Мойтохонова баһаарынай чаас үлэтин туһунан, тугу хайдах үлэлииллэрин кэпсээтилэр.
Уһуйаан, оскуола оҕолоро баһаарынайдарга анаан оҥорбут оҥоһуктарын, уруһуйдарын сэргии көрдүлэр.
Оптуорунньук — Доруобуйа күнэ түбэһэн, онон сибэстээн инструктор А. Н.Иванов сибиэһэй салгыҥҥа оҕолору сэрээккэлэттэ. Оҕолор бэрт астынан, ыйытыктарыгар хоруй ылан тарҕастылар.
«Үөһээ Бүлүү» хаһыат
