Атырдьах ыйын 24 күнүгэр Кырбый уйатыгар турар улахан балаҕаҥҥа улуус кондитердара түмсэн маҥнайгытын көрүстүлэр.
Көрсүһүү бэрт туһалаахтык ааста. Ол курдук, 2 ярустаах торду оҥорорго, сиэдэрэйдик киэргэтэргэ босхо маастар-кылаастары көрдөрдүлэр. Маастар-кылаастары кондитердар Сусанна Николаева, Ольга Тумусова уонна норуоттар икки ардыларынааҕы корпорация бэрэстэбиитэлэ Алена Чурукова ыыттылар.
«Мин биисинэһим» киин бэрэстэбиитэлэ Мария Александрова бэйэ дьарыктаах дьоҥҥо анаан туһалаах иһитиннэриини оҥордо. Маны таһынан сүүйүүлээх лотерея уонна гараж распродажата буолла.
Улуус кондитердара түмсэн бириэмэни туһалаахтык атаардылар, салгыы да бииргэ үлэлииргэ кэпсэттилэр.
«Үөһээ Бүлүү» хаһыат