Сэтинньи 20 күнүгэр күнүс 14ч.00-15ч.00 НКИХ радионан, ТВ «ТЭТИМ» биэриигэ Үөһээ Бүлүүтээҕи М. Т. Егоров аатынан 2-c №-дээх оскуолабыт 50 сыллаах үбүлүөйүн көрсө быһа эфиргэ араас сылларга салайбыт дириэктэрдэр Бойлохов Александр Николаевич, Захаров Анатолий Викторович, Тюпина Наталья Вячеславовна, Федоров Алексей Николаевич уонна быйылгы 2024 сылтан дириэктэр Руфов Васмар Анастасиевич, убаастыыр учууталбыт Потапов Виктор Филиппович, ахтар-саныыр интернаппыт иитээччитэ Потапова Татьяна Иннокентьевна, оскуолабыт выпускницата, М. А. Алексеев лицей-интернатын дириэктэрэ Блинова Туйаара Васильевна таҕыстылар.
Оскуолабыт 1974 сылтан физиканы, математиканы дириҥэтэн үөрэтииттэн саҕалаан, прогимназия, ЮНЕСКО оскуолатын аатын сүкпүтүн, гендернэй үөрэтии-иитии программатынан салайтарбытын, агропрофилированнай хайысхалаах ассоциированнай оскуолалар ахсааннарыгар киирбитин, естественнай-научнай хайысханы ылыммытын, медицинскэй кылаастар (бөлөхтөр) арыллыыларын, кырачааннарбытыгар анаан күнүскү бөлөх арыллыбытын туһунан, туох улэ-хамнас барбытын кэпсээтилэр уонна ахсынньы 6-7 күннэригэр буолаары турар оскуолабыт өрөгөйдөөх үбүлүөйүгэр араас сылларга үлэлээн ааспыт учууталлары, үлэһиттэри, выпускниктары, ыалдьыттары үөрүүбүтүн үллэстэ кэлэллэригэр ыҥырдылар.
«Үөһээ Бүлүү» хаһыат