«Оҕо эмтэнэр корпуһун тутуута хайдах баран иһэрин билистим. Оҕо балыыһата «Доруобуйа харыстабыла» национальнай бырайыак чэрчитинэн тутуллар. Бэдэрээтчит «СК-строй» хампаанньыйа.
Санатан этэр буоллахха, бэс ыйын 24 күнүгэр бастакы сваяны Саха Сирин Ил Дархана Айсен Николаев үөрүүлээх быһыыга-майгыга Алгысчыт арыаллаах түһэрбитэ. Билигин тутуу сваялара барыта түһэннэр бастакы этээһи бетоннуур үлэ ыытыллар.
Былаан быһыытынан оҕо эмтэнэр корпуһун тутуута 2025 сыл ахсынньы ыйыгар диэри түмүктэниэхтээх», — диэн улуус баһылыга Валерий Николаев ТГ-ханаалыгар суруйда.
