Бүгүн, олунньу 10 күнүгэр, Үөһээ Бүлүү оройуонун төрөөбүт күнэ — оройуон төрүттэммитэ 89 сылын туолла.
16 нэһилиэктээх Үөһээ Бүлүү оройуона 1935 сыллаахха олунньу 10 күнүгэр Бүлүүттэн арахсан, туспа оройуон буолбута. Ол саҕаттан 89 сыл ааста.
Бу бэлиэ күҥҥэ төрөөбүт улууспут олохтоохторо үгүстэр, кинилэри билиһиннэрэбит
Александра Ефимовна Григорьева, Харбалаах нэһилиэгин олохтооҕо
Сахаян Васильев, 12 саастаах, Дьүөгэ Ааныстыырап аатынан Кэнтик орто оскуолатын 6 кылааһын үөрэнээччитэ
Надежда Прокопьевна Тойтонова, Нам төрүт олохтооҕо, Бүөтүр Тобуруокап аатынан орто оскуола интэринээтин иитээччитэ, «Үөһээ Бүлүү» хаһыат уопсастыбаннай кэрэспэдьиэнэ, РФ суруналыыстарын Сойууһун чилиэнэ
Үөһээ Бүлүүттэн төрүттээх Иван Иванович Семенов, Саха телевидениетын сайдыытыгар улахан үтүөлээх биир бастыҥ телеоператор. Өр сыллаах айымньылаах үлэтин иһин ,,Саха Өрөспүүбүлүкэтин телевидениетын уонна радиовещаниетын туйгуна» бочуоттаах бэлиэнэн уонна ,,Саха» НКИХ кыһыл көмүс бэлиэтинэн наҕараадаламмыта.
Антонина Николаевна Иванова, Куду олохтооҕо
Ксенофонтова Александра Николаевна, төрүүр дьиэ акушерката, 3 кыыс тапталлаах ийэтэ
Николаева Марина Леонтьевна, Өргүөт нэһилиэгин муниципальнай тэриллии дьаһалтатын баһылыгын солбуйааччыта
Бурнашева Наталья Николаевна, 47 сыл ыстаастаах оҕо бырааһа, медицинэ бэтэрээнэ, Үөдүгэй нэһилиэгин бочуоттаах олохтооҕо, РФ Доруобуйа харыстабылын туйгуна
Петрова Валентина Спиридоновна, Туобуйа орто оскуолатын историяҕа учуутала, СӨ үөрэҕин туйгуна, үлэ бэтэрээнэ, 5 оҕо ийэтэ, элбэх оҕо эбээтэ, хос эбээтэ. Бүгүн үбүлүөйдээх 65 сааһын туолла.
Гуляева Аида Михайловна, Нам нэһилиэгин олохтооҕо, биэнсийэлээх.
Кирилл Федоров, 5 саастаах, Ньургуһун оҕо саадын иитиллээчитэ. Аҕата анал байыаннай дьайыы кыттыылааҕа, ахсынньыга хантараак баттаһан барбыт.
Ачикасов Николай Александрович, участковай көмөлөһөөччүтэ, 2021 сылтан үлэлиир
Спиридонова Мария Аркадьевна, И.Н.Барахов аатынан орто оскуола психолога, билигин оҕо көрөн олорор.
Леонард Степанов, «Теремок» кыра бөлөҕүн иитиллээччитэ
Бары төрөөбүт күннээхтэри эҕэрдэлээн туран, бары үчүгэйи, кэрэни баҕарабыт! Тапталлаах дойдубут, оройуоммут төрөөбүт күнүгэр күн сирин көрбүт дьон үтүө санаалаахтар, олоххо, үөрэххэ, үлэҕэ дьулуурдаахтар, киэҥ көҕүстээхтэр, дойдуларыгар бэриниилээхтэр!
«Үөһээ Бүлүү» хаһыата