Үөһээ Бүлүү улууһун баһылыгын талар быыбарга куоластааһын бара турар

 

Бүгүн Үөһээ Бүлүү улууһун баһылыгын талар болдьох иннинээҕи быыбар бара турар. Улуус үрдүнэн барыта 39 учаастак үлэлиир.

Учаастактар сарсыарда 08:00-тан киэһэ 20:00 чааска диэри үлэлииллэр. Учаастактар сабыллаллара 1,5 чаас хаалла.

18:00 чаастааҕы туругунан 7572 киһи болдьох иннинээҕи быыбарга кытынна. Бу көрдөрүү улуус үрдүнэн 58,57% тэҥнээх.

✅ Үөһээ Бүлүүтээҕи территориятааҕы быыбардыыр хамыыһыйа бэрэссэдээтэлэ Семен Миронов:

— Улууска барыта 12929 быыбардааччы баар.

Билиҥҥи быыбар уратытынан, болдьох иннинэ куоластааһын буолла. Манна уопсайа 846 киһи куоластаабыт.

Нэһилиэктэринэн этэр буоллахха, саамай элбэх бырыһыаны Кэнтик нэһилиэгин олохтоохторо көрдөрөн олороллор. Ол курдук, 71,02%, бу 348 быыбардааччы куоластааһыгар тэҥнээх.

Үөһээ Бүлүү нэһилиэгин 78 №-дээх быыбардыыр учаастага, Быракаан, Далыр, Кырыкый, Хомустаах нэһилиэктэрин олохтоохторо көхтөөхтүк кыттыбыттара көстөр. Үҥсүү уонна алҕас баарын бэлиэтиир сайабылыанньа суох.

«Үөһээ Бүлүү» хаһыат

 

Читайте дальше