Үөһээ Бүлүүгэ дуобакка биирдиилээн бастыыр иһин курэхтэһии

Олунньу 17- 18 күннэригэр дуобакка Үөһээ Бүлүү улууһун чемпионун үрдүк аатын сүгэр курэхтэһии ыытылынна. Буоларын курдук, курэхтэһии икки бөлөххө араарыллан ыытылынна: 1 лигаҕа 10 кыттааччы эрдэттэн быһаарыллан киирэн оонньоотулар, 2 лигаҕа разрядыттан тутулуга суох баҕалаах эр дьон уонна кэрэ аҥардар кытыннылар.

1 лигаҕа эр дьоҥҥо утарылаһааччыларын барыларын баһыйан, дуобакка Россия спордун маастарыгар  кандидат Афанасий Филиппов эрэллээхтик бастаата. Иккис миэстэҕэ очкота тэҥнэһэн баран, 3-түү мүнүүтэлээх оонньууга кыайыылаах тахсыбыт, дуобакка спорт маастарыгар кандидат Василий Иванов тигистэ. Уһус бочуоттаах  миэстэни маастарга кандидат Иннокентий Болтоков  ылла.

Эр дьоҥҥо иккис лигаҕа чемпион үрдүк аатын Саха сирин спордун бэтэрээнэ, хапсаҕайдаһан тустууга Саха сирин спордун маастара, көҥүл тустууга Россия спордун маастара Николай Григорьев сүктэ. Инники оонньууларын  ситиһиилээхтик оонньоон иһэн бутэһик оонньууга хотторон коэффициент көрдөрүүтүнэн Семен Полятинскай  иккис миэстэ хаһаайынынан буолла. Уһус бириистээх миэстэҕэ маастарга кандидат Иван Иванов таҕыста.

Кэрэ аҥардарга бастакы разрядтаах Ира Васильева бастакы миэстэни ылары ситистэ. Коэффициент  көрдөрүүтүнэн хаалан маастарга кандидат Люция Терентьева иккис миэстэҕэ үктэннэ.  Утары оонньуур дуобатчыттарыгар күүстээх утарсыылары оҥорон, кыра саастаах кыргыттарга республика чемпионката Аливия Корякина 3 миэстэни ылла.

Бары миэстэлэспит дуобатчыттар Улуустааҕы спорт салалтата туруорбут сертификаттарын, мэтээллэрин, грамоталарын үөрүүлээх быһыыга туттулар.

 Сардана Терентьева,

Күрэхтэһии кылаабынай судьуйата 

Читайте дальше