Саха Сирин хамаандатыгар киирбит Үөһээ Бүлүүлэр оҕобут, Боотулуу орто оскуолатын 8 кылааһын үөрэнээччитэ, кэскиллээх спортсмен Александр Захаров 60 кг ыйааһыҥҥа утарылаһааччыларын кыайан эрэллээхтик бастаата, кыһыл көмүс мэтээли ылыан ылла!
Финалга саха мадьыныта Сибиир федеральнай уокуругун спортсменын Александр Фролову кыайда. Үһүс миэстэҕэ Кыргызстан уонна Пакистан мадьынылара таҕыстылар.
60 кг ыйааһыҥҥа түмүк маннык буолла:
Александр Захаров (Саха)
Александр Фролов (СФО)
Халим Каналбеков (Кыргызстан)
Мухаммад Шахир (Пакистан)
Сарсын ыарахан ыйааһыҥҥа мас тардыһыыктар киирсиэхтэрэ. Үөһээ Бүлүүттэн Саян Саввинов уонна Харысхан Габышев киирсиилэрин сарсын көрүөхпүт.
Мария Васильева,
«Үөһээ Бүлүү» хаһыат
Азия оҕолорун оонньууларын дирекциятын хаартыскаҕа түһэриилэрэ