Бүгүн, Д.С.Спиридонов аатынан 4-с нүөмэрдээх орто оскуолаҕа, СӨ наука уонна үөрэх миниистирэ Нюргуна Соколова салайааччылаах дэлэгээссийэ Үөһээ Бүлүүгэ үлэлии, анаан-минээн техникум 50 сыллаах үбүлүөйүнэн эҕэрдэлии, баазатын көрө-истэ кэллэ.
Дэлэгээссийэ 6 киһилээх, ол иһигэр науканан дьарыктанар эдэр салайааччы, биир дойдулаахпыт Айаал Докторов баар.
Улуустааҕы үөрэх управлениетын салайааччытын солбуйааччы Леонид Огочонов улууспут үөрэҕин систиэмэтин туһунан кэпсээтэ, үөрэх хаачыстыбатын билиһиннэрдэ, баар кыһалҕалары ыйда.
Үөрэх миниистирэ оскуолаларга кинигэ хааччыйыытын, өрөспүүбүлүкэҕэ каадыр боппуруоһа сытыытык турарын ыйда. Ордук доруобуйа харыстабылыгар каадыр тиийбэтин эттэ. Маныаха үлэ бара турарын, Өлүөхүмэ техникумугар биэлсэрдэри үөрэтэн саҕалаабыттарын туһунан кэпсээтэ.
«Үөһээ Бүлүү» хаһыат
