ҮЛЭҔИТИТТЭН, ҮӨРЭХХИТИТТЭН ЫРААППАККА ДОРУОБУЙАҔЫТЫН БЭРЭБИЭРКЭЛЭНИҤ: Үөһээ Бүлүүтээҕи киин балыыһа ыарыыны сэрэтэр кэбиниэтин үлэһиттэрэ тэрилтэлэринэн сырыылара.
Киһиэхэ тугун да ыарытыннарбакка. кистээн сии сылдьар кутталлаах ыарыылары эрдэ булан, харыстанар дьаһалы ылынарга диспансеризация уонна профилактическай көрүүлэр саамай эрэллээх ньыма буолаллар. Биһиги сүрүн сыалбыт — медицинскэй көмөнү хас биирдии олохтооххо төһө кыалларынан тиэрдии.
Биһиги улууспут олохтоохторун бириэмэлэрин харыстаан, Үөһээ Бүлүүтээҕи киин балыыһа профилактикаҕа салаатын үлэһиттэрэ тэрилтэлэринэн куруук тахсан көрүүлэри ыыталлар. Бу үлэ тэрилтэлэр бэйэлэрин кабинеттарыгар даҕаны, ону тэҥэ туох баар наадалаах диагностическай тэрилинэн толору хааччыллыбыт «Камаз» мобильнай комплекс базатыгар даҕаны ыытыллар.
Алтынньы ыйга тэрилтэлэринэн сырыы түмүктэрэ: Бу ыйга ыарыыны сэрэтэр кэбиниэт исписэлиистэра улуус хас да тэрилтэлэригэр уонна үөрэх кыһаларыгар тахсан киэҥ хабааннаах үлэни ыыттылар:Дьокуускайдааҕы медицинскэй колледжка, ПМК микрооройуонугар, Үөһээ Бүлүүтээҕи техникумҥа, «Сахатранснефтегаз»-ка уонна стоматология салаатыгар сырыылар оҥоһулуннулар:Барыта 124 киһи бэриэбиэркэни ааста. Барыларыгар антропометрия оҥоһулунна, анализтар ылылыннылар, 100 үлэһит ЭКГ-ааста. Диспансернай кэтээн көрүүнү-48, доруобуйа репродуктивноһын сыаналааһыны-43 киһи ааста. Көрүү түмүгүнэн 1 киһиэхэ хаан баттааһына үрдүгэ (АД) маҥнайгытын бэлиэтэннэ, ону таһынан 31 киһи вакцинацияны ааста.
Ыарыыны сэрэтэр тэрээһин туохха туһалааҕый?Хас биирдии маннык сырыы үлэ дуу, үөрэх дуу кэмигэр киһи бэйэтин организмын сүрүн көрдөрүүлэрин билэрэ улахан суолталаах: хаан саахарын, холестеринын, сүрэх үлэтин, эт-сиин маассатын индексэтин уонна хаан баттааһынын. Нэһилиэнньэни эрдэ көрүү анал эмтэниини кэмигэр саҕалыырга уонна доруобуйа туругун көннөрөргө көмөлөһөр.
Үөһээ Бүлүүтээҕи киин балыыһа санатар: бэйэ доруобуйатыгар кыһамньыгытын ууран, болҕомтолоохтук сыһыаннаһыҥ! Ыарыыны кэмигэр сэрэтии, кэнники эмтэнэртэн быдан чэпчэки уонна көдьүүстээх. Тэрилтэҕит салалтатыттан үлэ миэстэтигэр профилактическэй көрүү хаһан буолуоҕун ыйыталаһыҥ эбэтэр бэйэҕит олорор сиргит инэн сыһыарыллыбыт амбулаторияларгытыгар, фельдшерско-акушерскай пуунарга, поликлиникаҕа тиийэн бэриэбиэркэлэтиҥ!
#ҮөһээБүлүүЦРБ #Диспансеризация #Профилактика #ДоруобуйаБастакыВыраадыгар #МобильнайКомплекс #ҮөһээБүлүүУлууһа
