Сахабыт Өрөспүүбүлүкэтин психологическай киинин дириэктэрэ Владимир Скрябин от ыйын 24 күнүгэр буолбут брифиҥҥэ эппитинэн, бу нэдиэлэҕэ Ростов-на-Дону байыаннай госпиталигар Киин психологтарын 43-с бөлөҕө көттө.
Владимир Скрябин этэринэн, бааһырбыттарга ыксаллаах психологическай көмө 2023 сылтан Саха сириттэн уонна Россия Федерациятын Оборона Министиэристибэтиттэн ыытыллар.
«Быраабыла быһыытынан, бөлөхтөр икки психологтртан тураллар – нууччалыы уонна сахалыы саҥарар специалисттэртэн. Буойуннар этэллэринэн Киин уйулҕаһыттарыгар уонна өрөспүүбүлүкэ салалтатыгар көмөлөрүн иһин махталларын тиэрдэллэр уонна усулуобуйа уларыйыытыгар, демобилизация кэннэ эйэлээх олоххо түргэнник үөрэнэллэрин, уйулҕаһыттар үлэлэрэ көмөлөһөрүн бэлиэтииллэр», – диэн Скрябин чуолкайдаата.
Скрябин эппитинэн, ааспыт нэдиэлэҕэ өрөспүүбүлүкэҕэ, ону тэҥэ госпитальга, 380-тан тахса анал байыаннай дьайыы кыттыылаахтартан уонна кинилэр дьиэ кэргэттэриттэн, 450 кэриҥэ туспа уонна бөлөҕүнэн психологическай үлэтэ ыытыллыбыт, ол иһигэр киирсэллэр консультациялар уонна анал дьарыктар.
«Уйулҕаһыттар дьарыктарыгар уонна консультацияларыгар суруттарыахха сөп 8 (4112) 31-91-09 нүөмэргэ үлэ бириэмэтигэр эрийиҥ. Ону тэҥэ өрөспүүбүлүкэҕэ барытыгар түүннэри-күнүстэри үлэлиир итэҕэл төлөпүөнэ баар: 8-800-100-35-50 эбэтэр 122 (салгыы 6 уонна 2). Биһиэхэ ыйытыылар анонимнайдар уонна кистэлэҥнээхтэр, СВО хайысхатынан эрэ буолбатах. Псевдонимынан эмиэ суруттарыахха сөп. Анал байыаннай дьайыы кыттыылаахтарыгар, кинилэр дьиэ кэргэттэригэр, ону тэҥэ атын кириисис хайысхаларынан ЯРПЦ өҥөлөрө босхо. Бу хайысха Саха сирин Ил Дарханын Айсен Николаев сорудаҕынан, Саха сирин Бырабыыталыстыбатын бэрэссэдээтэлин солбуйааччы Ольга Балабкина тус хонтуруолун аннынан ыытыллар», – диэн Саха Өрөспүүбүлүкэтин психологическай киинин дириэктэрэ Владимир Скрябин эттэ.
Санатан эттэххэ, Россия Президиэнэнэ Владимир Путин Саха сирин Ил Дархана Айсен Николаевтыын көрсүһүүтүгэр ыараханнык бааһырбыт байыаннайдарга, ону тэҥэ кинилэр чугас дьонугар көмө олус наадатын бэлиэтээбитэ.
«Ыараханнык бааһырбыт уолаттарга болҕомтобун уурабын. Кинилэргэ да, кинилэр дьиэ кэргэттэригэр да көмөлөһүөххэ наада, тоҕо диэтэххэ кинилэр эмиэ улахан ыарахаттары көрсөллөр», – диэн Владимир Путин эттэ.
Айсен Николаев Президиэҥҥэ билигин Саха сиригэр анал байыаннай операция кыттыылаахтарыгар уонна кинилэр дьиэ кэргэттэригэр 117 өйөбүл миэрэтэ үлэлиирин иһитиннэрдэ.
Көрсүһүү кэмигэр байыаннайдар мэдиссиинэ реабилитациятыгар ураты болҕомто уурулунна. Айсен Николаев эппитинэн, анал байыаннай дьайыы саҕаланыытыттан Московскай уобаласка баар «Бэс Чагда» санаторий ыараханнык бааһырбыт буойуннары чөлүгэр түһэрэргэ аналлаах оҥоһуллубут.
Өрөспүүбүлүкэ Ил Дархана бэлиэтээбитинэн, бу кэм устата санаторийга реабилитация курсун тыһыынчаттан тахса байыаннай ааспыт.
Айсен Николаев эппитинэн, өрөспүүбүлүкэ анал байыаннай дьайыы кыттыылаахтарын өйүүр тиһиги салгыы тупсарыаҕа, байыаннайдарга эйэлээх олоххо төннөргө, реабилитацияны баран, сулууспа кэннэ бэйэлэрин олохторун тэрийэллэригэр көмө баар буолуо.
Пресс-служба Главы Республики Саха (Якутия) и Правительства Республики Саха
(Якутия)
Сахабыт Өрөспүүбүлүкэтин психологическай киинин уйулҕаһыттара Ростов-на-Дону госпиталигар көттүлэр
