Бүгүн, муус устар 13 күнүгэр, Дьокуускай өрөспүүбүлүкэ бары оройуоннарыттан дэлэгээссийэлэр «Биир ньыгыл Арассыыйа» баартыйа «Түмүк баар!» эрэгийиэннээҕи отчуоттуур пуорумнара саҕаланна.
Пуорумҥа кэнники сыллар ситиһиилэрин дьүүллэһиэхтэрэ уонна инникигэ үлэ тутаах хайысхаларын быһаарыахтара. Нэһилиэнньэ олоҕун хаачыстыбатын үрдэтии, социальнай инфраструктураны саҥардыы, үөрэх уонна доруобуйа харыстабылын өйөөһүн, ону тэҥэ тупсаҕай куорат эйгэтин тэрийии боппуруостарыгар ураты болҕомто ууруллуоҕа.
«Федеральнай, эрэгийиэннээҕи уонна уокуруктааҕы пуормунар дойду бары субъектарыгар ыытыллаллар. Пуорумҥа өрөспүүбүлүкэ сайдыытыгар туһуламмыт Норуот бырагрыааматын олоххо киллэрии чэрчитинэн нэһилиэнньэ накаастарын толорууга баартыйа үлэтин түмүгүн таһаарыахпыт уонна 2.0 Норуот бырагырааматыгар киирэр саҥа этиилэри оҥоруохпут», — диэн «Биир ньыгыл Арассыыйа» Саха сиринээҕи салаатын ситэриилээх кэмитиэтин салайааччыта Надежда Селютина эттэ.
Пуорумҥа дьокутааттар, ситэриилээх былаас бэрэстэбиитэллэрэ, уопсастыбанньыктар, экспертэр уонна көхтөөх дьон кыттыахтара. Историческай нэһилиэстибэни харыстааһын, ыаллары социальнай өйөөһүн, үөрэхтээһини уонна доруобуйа харыстабылын эбийиэктэрин саҥардыы, ону тэҥэ култуура, успуорт, куорат эйгэтин, тырааныспар уонна ОДьКХ эйгэтигэр бырайыактары олоххо киллэрии боппуруостарыгар ураты болҕомто ууруллуоҕа. Пуорум кыттыылаахтара Саха сиригэр Норуот бырагырааматын олоххо киллэрии чопчу түмүктэрин кытта билсиэхтэрэ уонна саҥа көҕүлээһиннэри, этиилэри дьүүллэһиэхтэрэ.
Сайаана Львова