Үөһээ Бүлүү улууһун Хоро нэһилиэгин дьаһалтатын, чуолаан баһылык Альберт Иванов салайыытынан байыаннай дьайыы кыттыылаахтарын дьиэ кэргэттэрэ ананар көмөнү туһанан, бары өттүнэн эргиччи өйөбүллээх курдук сананаллар.
Ол курдук, бээтинсэҕэ нэһилиэк дьаһалтатын, оскуола, ОДьКХ, сынньалаҥ киинэ, баһаарынай чаас уонна балыыһа үлэһиттэрэ күргүөмнээх субуотунньук тэрийдилэр. Хаарбах туруктаах гараж дьиэтэ көтүрүллүбүтүн ыраастаан, эрбэтэн, анал байыаннай дьайыы кыттыылаахтарын дьиэ кэргэттэригэр тиэйэн биэрдилэр. Биирдии бортовой УАЗ массыына оттук маһы 14 ыалга тиксэрдилэр.
«Күүстээх үлэҕэ көмө буолбут дьоммутугар: Артем Филипповка, Дмитрий Ефремовка, Леонид Прокопьевка, Иван Касьяновка, Филипп Чиряевка, Александр Мугуровка, Юрий Дяриковка, Александр Чиряевка, Руслан уонна Степан Осиповтарга, Данил Гаврильевка, Миша Музафаровка, Саша Егоровка, Гаврил Николаевка улахан махтал! Чуолаан тиэхиньикэнэн күүс-көмө буолбут Филипп Чиряевка олохтоох дьаһалта аатыттан махталбытын биллэрэбит.
Былырыҥҥы былаанынан биирдии массыына оттук маһынан диэн былааннаабыппыт табыллыбата, ол иһин туох кыалларынан көмөлөһөр сыаллаах тэриллибит үлэҕэ тэрилтэлэртэн үлэһит эр дьон күүс-көмө буоллулар. Олохтоох дьаһалта өттүттэн салгыы туох кыалларынан көмө оҥоро туруохпут», — диэн нэһилиэк баһылыга Альберт Иванов санаатын үллэһиннэ.