Саха сиригэр 80 тэрилтэ айылҕа харыстабылын кэлим бырагырааммаларын олоххо киллэрэр. Бу сыалга 2025 сыллаахха 20 миллиард тахса солк. анаммыт, оттон 2026 сылга 18,4 миллиард солк. көрүллүннэ. Үлэ Саха Өрөспүүбүлүкэтин Ил Дархана Айсен Николаев «Об экологическом благополучии Республики Саха (Якутия)» страгетическай ыйааҕын чэрчитинэн ыытыллар диэн регион айылҕа харыстабылын уонна тыа сирин хаһаайыстыбатын министиэристибэтэ иһитиннэрдэ.
Ыйаахха 2030 сылг диэри айылҕа харыстабылын кэлим бырагырааммаларын олоххо киллэрэр тэрилтэлэр ахсааннарын 100-кэ диэри элбэтэр сорук турда. Үлэ Россия президиэнэ Владимир Путин көҕүлээбит «Экологическое благополучие» диэн нациоальнай бырайыак соруктарыгар эмиэ сөп түбэһэр.
«Өрөспүүбүлүкэ Минэкологията айылҕаны туһанааччы тэрилтэлэри кытары айылҕа харыстабылын орто болдьохтоох кэлим бырагыпааммаларын оҥорууга, олоххо киллэриигэ былааннаах үлэни ыытар. 2025 сыллаахха бу сыалга 20 миллиард тахса солк. ыытыллыбыт эбит буоллаҕына, 2026 сылга 18,4 миллиард солк. көрүлүннэ.», — диэн Саха сирин экология, айылҕа туттуутун уонна тыа сирин хаһаайыстыбатын министиэристибэтин экологическай куттал суох буолуутун уонна правовой экспертизы департаменын салайааччыта Вера Степанова иһитиннэрдэ.
Вера Степанова этэринэн, бырагырааммалар киртитэр эттиктэр тахсыыларын-тохтууларын аҕыйатыыга, отходтар үөскүүр кээмэйдэрин кыччатыыга, тыалары сөргүтүүгэ, кыыллары харыстааһыҥҥа, сир уонна уу ресурсаларын сөптөөхтүк туһаныыга, экологическэй кутталлары сэрэтиигэ анаммыт дьаһаллары киллэрэллэр.
Айылҕа харыстабылын бырагырааммаларын Өрөспүүбүлүкэ бөдөҥ тэрилтэлэрэ олоххо киллэрэллэр. Холобур, АО ХК «Якутуголь» 2022-2026 сылларга атмосферабыт салгынын, ууу уонна сирбит ресурсаларын харыстыыр, отходтары туһаныы тиһигин тупсарар бырагыраамманы толорор. «Колмар», «Сургутнефтегаз», АЛРОСА хампаанньалар ыраас ууну ыраастыыр аныгы тэриллэри туһаналлар, оттон «Якутуголь», «Эльгауголь» атмосферабыт салгыныгар дьайыыны аҕыйатарга салгыҥҥа быылы тутат тэриллэри туһаналлар.
Тэрилтэлэри өйүүр сыалтан Экология министиэристибэтэ айылҕа харыстабылын кэлим бырагырааммаларын оҥорууга, сөбүлэһэргэ, олоххо киллэриигэ методическай сүбэлэри бигэргэттэ.
«Биһиги идэтийбит уопсастыбаннай экологтар, Өрөспүүбүлүкэ Ил Дархана Айсен Николаев бастакынан «Об экологическом благополучии Республики Саха (Якутия)» ыйааҕы таһаарбытыгар олус үөрбүппүт. Билигин аҕыйах кэминэн элбэх экологичэскай кыһалҕалары быһаарарга хасааһыннар баалларын көрөбүт», — диэн биологическай билим дуоктар, Саха сирин биллэр уопсастыбаннай диэйэтэлэ Михаил Чоросов эттэ.
Пресс-служба Главы Республики Саха (Якутия) и Правительства Республики Саха (Якутия