Ахсынньы 23 күнүгэр «Сэргэх» аҕа көлүөнэ алтыһар киинэ тэриллибитэ биир сылын бэлиэтиир үөрүүлээх тэрээһинэ буолан ааста.
«Сэргэх» активистара тэрийиилэринэн
Саҥа дьыллааҕы остуол тардылынна, олохтон күлүүлээх кэпсээннэри кэпсэттилэр, бэйэлэрэ толкуйдаабыт остуол оонньууларыгар оонньоон бириэмэни билбэккэ атаардылар.
Үбүлүөйүнэн уонна кэлэр Саҥа дьылынан клиент сулууспатын үлэһиттэрэ Тымныы Оҕонньор уонна Хаарчаана эҕэрдэлээтилэр, Килийиэн сулууспатын салайааччыта Альбина Николаева сыл устата сүрүн ситиһиилэрин, үлэлэрин-хамнастарын туһунан билиһиннэрдэ уонна быйылгы үлэ түмүгүнэн «Сэргэх» ЦОСП Саха сиринээҕи Социальнай фонда салайааччыта Герман М.Е. уонна «Биир Ньыгыл Россия» салалтатын аатыттан Махтал суруктары туттарда. Оттон десертка СФР уонна «Сэргэх»логотиптаах минньигэс торт күндүлэннэ.
«Сэргэх» кииҥҥэ доҕордоһуу, үөрүү-көтүү эйгэтин тэрийбит дьоҥҥо барыларыгар махтал! Сыл биллибэккэ ааста, инники — өссө интэриэһинэй көрсүһүүлэр, тэрээһиннэр күүтэллэр.
Кэлэн иһэр Саҥа дьылынан! 2026 сылга көрсүөххэ диэри.
«Үөһээ Бүлүү» хаһыат