2024 сылга олохтоохтор инициативаларын өйөөһүн бырагырааматыгар (ППМИ) быйыл Боотулуулар эмиэ кыттар баҕалаахтар

Бу бырагыраамаҕа кыттарга дьүүллэһэр сүбэ мунньах балаҕан ыйын 20-21 күннэригэр куйаар ситимин нөҥүө куоластааһынынан буолан ааста. Ааспыт сылларга бырайыактар түмүктэрэ үчүгэйинэн, быйыл эмиэ кыттарга өрө көтөҕүүлээхтик сөбүлэстилэр.  Нэһилиэк олохтоохторун үлэҕэ кыттыһалларыгар көҕүлүүр, эппиэтинэстиир, мунньар кэскиллээх бырагыраамма буоларын бэлиэтээтилэр.

Түмүктүүр куйаар ситимин нөҥүө куоластааһыҥҥа уопсайа 149 киһи кыттыыны ылла. Куоластааһын түмүгүнэн бары бу бырагырааммаҕа кыттары сөптөөҕүнэн аахтылар.

Мунньах бэрэссэдээтэлинэн нэһилиэк  баһылыгын Саввинов Петр Анатольевич талыллан мунньаҕы ыытта. Эрдэ ыытыллыбыт  ыйытык түмүгүнэн, хас да кыһалҕаттан талан, үс  элбэх куоластаах бырайыактартан биир кыһалҕалаах бырайыагы  талалларыгар ыҥырда:

  1. “Боотулуу суолларын эрэмиэннээһин”;
  2. «Сынньалаҥ паркатын эрэмиэннээһин ;
  3. “Боотулуу сэлиэнньэтин сайыҥҥы уу ситимин эрэмиэннээһин”.

Уопсай түмүгүнэн, кыайыылаах бырайыак «Боотулуу сэлинньэтин сайыҥҥы уу ситимин эрэмиэннээһин». Сөбулэстэ- 102 киһи.

Балаҕан ыйын 21 күнүгэр Култуура дьиэтигэр улуус аатыттан ППМИ бырайыагар кыттарга эмиэ дьүүллүүр сүбэ мунньаҕа буолан ааспыта. Куоластааһын түмүгүнэн 110 киһиттэн 98 киһи   Тыалыччыма суолун оҥоһуутун бырайыагын өйүүрүн биллэрдэ уонна  бу бырайыак кыайыылаах таҕыста.»

Нэһилиэк олохтоохторун, Боотулууттан төрүттээх биир дойдулаахтарбытын, бу бырайыактары өйөөн, харчынан кыттыһаргытыгар ыҥырабыт.»

Боотулуу нэһилиэгин дьаһалтата

Читайте дальше