Үөһээ Бүлүү улууһун волонтердарын салайааччыта Ольга Петровна Захарова көҕүлээһининэн бу күннэргэ анал байыаннай дьайыы буола турар сиригэр улууспут 48 сэриилэһэ сылдьар уолаттарыгар инники кирбиигэ уопсайа 690 киилэ көмө барда. Бу иһигэр 26 маскировочнай сетка уонна ас-үөл хомуллан, оҥоһуллан барда. Кыайыы туһугар ас хомууругар Тамалакаан, Ороһу, Үөдүгэй, Кэнтик, Дүллүкү, Хоро, Мэйик, Далыр олохтоохторо, Д. С. Спиридонов аатынан улуустааҕы гимназия, Нам орто оскуолатын коллективтара уонна үөрэнээччилэрэ сүҥкэн кылааттарын киллэрдилэр.
Маскировочнай сетка баайыытыгар Ольга Ивановна Тумусова салайыытынан Тамалакаан, Дүллүкү, Боотулуу, Өргүөт, И. Н. Бараахап аатынан 1-дээх оскуола, улуустааҕы гимназия, Кэнтик, Ороhу оскуолаларын үөрэнээччилэрэ уонна дьоно-сэргэтэ маскировочнай сетка өрөн күүс-көмө буоллулар. Улуустан куоракка барыытыгар күүс-көмө буолбут таксист уолаттарга — Софронов Альбертка, Нам таксиһа Валекка, Трофимов Ваняҕа, Дьуоҥҥа, Александрга улахан махталбытын биллэрэбит!
Галина Васильева
«Үөһээ Бүлүү» хаһыат