Биллэрин курдук, сотору кэминэн улуус баһылыга Валерий Николаев салайааччылаах делегация анал байыаннай дьайыы буола турар сиригэр уолаттарбытын көрсө барыахтаах.
Бу ураты суолталаах, махталлаах айаны алҕаан туран тэрилтэлэр уолаттарбытыгар төрөөбүт дойдуларыттан кэһиилэрин ыыталлар. Ол курдук, 36-с аптека эмтээх — томтоох аптечкалары, «Бүлүү», «Юла» ырыынак атыыһыттара ис таҥас кэлимсэтин, Харбалаах түмэлин көҕүлээһининэн үөрэнээччилэр харысхаллаах кэһиилэри, ДШИ коллектива хаххаланар сетка баайан, дьахтар улуустааҕы сэбиэтэ хаххаланар сеткалары көмөҕө холбоотулар. Түмсүүлэрбит сүрүн иискэ, угуунньа оҥоһуутугар, арчыланар кэлимсэлэри бэлэмнээһиҥҥэ төһүү күүс буолаллар. Биирдиилээн талааннаах тарбахтаах, кыраҕы харахтаах уустарбыт харысхал оҥорон туттардылар. Мунньуллубут кэһиини сарсын киин бибилэтиэкэҕэ туттарбыттарын кэнниттэн улуус ытык алгысчыта Уйбаан Чыычаахап арчылыаҕа, алгыһын иҥэриэҕэ.
Уолаттарбытыгар дурда — хахха, куйах буолан, дойдуларыттан тиийбит кэһии итиинэн илгийдин, сылааһынан сыдьаайдын!
БАРЫ БИИРГЭ ТҮМСЭН КЫАЙЫЫ ТУҺУГАР ТУРУУЛАҺЫАҔЫҤ!
Сонуннарга анаан Васма Иванова
«Үөһээ Бүлүү» хаһыат