Бүгүн Дьокуускай куоракка өрөспүүбүлүкэтээҕи тыа хаһаайыстыбатын «Урожай – 2024» быыстапка-куонкуруһа ыытылынна.
Манна биһиги улуустан Хоро, Кэнтик уонна Үөһээ Бүлүүтээҕи 2-с нүөмэрдээх агрооскуолалар бэрэстэбиитэллэрэ кыттыыны ыллылар.
Киэҥ далааһыннаах быыстапка-куонкурус түмүгүнэн Кэнтик орто оскуолата «Плодово-Ягодные культуры» анал аакка 2-с истиэпэннээх дипломунан, 2-с нүөмэрдээх орто оскуола коллектива «Дизайн выставочной экспозиции» анал аакка 1-кы истиэпэннээх, «Осенний бал» анал аакка 2-с ист. уонна «Плодово-Ягодные культуры» анал аакка 1-кы ист. дипломнарынан наҕараадаланан үөрүүлэрэ үксээтэ, сыралаах үлэлэрэ сыаналанна!
Кыайыылаахтарга бириистэри, өйдөбүнньүк статуэткалары бэлэх туттардылар. Бу туһунан улуустааҕы үөрэх управлениетын салайааччытын солбуйааччы Леонид Огочонов иһитиннэрдэ.
Тыа хаһаайыстыбатынан дьарыктанар, оҕолору үлэҕэ угуйар бастыҥ агрооскуолаларга эҕэрдэ!
«Үөһээ Бүлүү» хаһыат
