Тохсунньу 7 күнүгэр Кытайга Цицикар куоракка буолбут Аан дойдутааҕы «Снежный журавль» үҥкүү күрэҕэр Далырдааҕы «Тэтим» үҥкүү бөлөҕүн икки үҥкүүлэрэ иккиэн 1-кы истиэпэннээх лауреат үрдүк аатын сүктүлэр!
Манна оҕолор араас маастар-кылаастарга, музейдарга, атын тэрээһиннэргэ астына сырыттылар. «Тэтим» үҥкүү бөлөҕө 2021 сылтан Анджелла Сергеевна Егорова үлэлии киириэҕиттэн элбэх Россиятааҕы, республикатааҕы, улуустааҕы күрэхтэр лауреаттара, дипломаннара.
2024 сыл ыам ыйыгар Санкт -Петербург куоракка Аан дойдутааҕы «Планета искусств» үнкүү күрэҕэр «Лауреат 2 степени» буолан кэлбиттэрэ.
«Тэтим» үҥкүү бөлөҕөр, салайааччы Анджелла Сергеевнаҕа кэлбит 2025 сылга ситиһиилэри баҕарабыт.